Прысутнасць

“Прыйдзіце да Мяне ўсе абцяжараныя, і Я супакою вас”. (Мц 11:28). Вось я, Пане. Прыходжу шукаць Тваёй прысутнасці. Прагну Твайго гаючага дотыку, поўнага моцы.

Свабода

Усё мае патэнцыял здабыць з мяне большую паўнату любові і жыцця.
Аднак мае жаданні часта чапляюцца за ілюзіі спаўнення.
Прашу Цябе, Божа, праз маю свабоду дырыжыруй маімі жаданнямі так,
каб гучала жывая гарманічная мелодыя любові як спаўненне Тваёй волі ўва мне і праз мяне.

Усведамленне

Мы ўсе пілігрымы ў дарозе да Цябе, Пане.
Дай нам сузіраць Цябе на зямлі
і з Тваёй дапамогай ісці па Тваіх слядах.

Божае слова

³⁹ І расказаў ім такую прыпавесць: «Хіба можа сляпы вадзіць сляпога? Ці ж не зваляцца абодва ў яму? ⁴⁰ Вучань не большы за настаўніка. Але кожны добра падрыхтаваны стане такім, як яго настаўнік. ⁴¹ Чаму бачыш шчэпку ў воку брата свайго, а бервяна ў сваім воку не заўважаеш? ⁴² Як ты можаш казаць брату свайму: “Браце, дай, я выму шчэпку з вока твайго”, калі сам не бачыш бервяна ў сваім воку? Крывадушнік, спачатку вымі бервяно са свайго вока, і тады ўбачыш, як выняць шчэпку з вока твайго брата.

Разважанне да Божага слова

Аднойчы я праводзіў рэкалекцыі для парафіяльнай супольнасці, дзе сярод паўсотні чалавек быў адзін сляпы. Група падрыхтоўкі зрабіла папяровых рыбак да святой Імшы, каб нагадаць пра цудоўны лоў, калі апосталы закідвалі сеткі па слове Езуса. На кожнай рыбцы было напісанае слова, напрыклад, «радасць», «надзея». Сляпому чалавеку выпадкова дасталася рыбка са словам «зрок». І ён сказаў, што сапраўды атрымаў зрок, але іншы: здольнасць бачыць глыбіню чалавечых сэрцаў.

Размова

Я пачынаю размаўляць з Езусам пра ўрывак са Святога Пісання, якім толькі што маліўся.
Што найбольш закранае мяне?
Магчыма, словы сябра, або нейкая гісторыя, якую я нядаўна пачуў, або нейкі вопыт,
павольна падымуцца на паверхню маёй свядомасці.
Калі так, то ці гэты ўспамін пралівае святло на тое, што кажа мне ўрывак са Святога Пісання?

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн