Прысутнасць

Раблю паўзу перад тым, як увайсці ў малітву,
і думаю пра любоў і шматлікія ласкі,
якімі Бог абсыпае мяне,
ствараючы мяне паводле вобраза і падабенства Свайго,
будуючы мяне як Сваю святыню…

Свабода

З Божай ласкі я нарадзіўся/нарадзілася, каб жыць у свабодзе,
атрымліваць асалоду ад дабротаў, якія Ён стварыў для мяне.
О Пане, дай мне жыць паводле Тваёй задумы,
напоўніцу давяраючы Тваёй любові.

Усведамленне

Езу, Ты заўсёды тут, чакаеш мяне.
Дай мне часцей знаходзіць цішыню і спакой,
каб прагнуць праводзіць час у Тваёй прысутнасці,
каб зведацьТвой супакой, Тваю любоў.

Божае слова

²⁵Жаўнеры так і зрабілі.

Стаялі ж каля крыжа Езуса Маці Ягоная і сястра Маці Ягонай, Марыя Клеопава, і Марыя Магдалена.

²⁶Езус, убачыўшы Маці і вучня, які стаяў побач і якога Ён любіў, сказаў Маці: «Жанчына, вось сын Твой». ²⁷Потым сказаў вучню: «Вось Маці твая». І з гэтага часу вучань узяў Яе да сябе.

Разважанне да Божага слова

Маці Божая не так часта згадваецца ў Евангеллях, але кожны раз за Яе прысутнасцю крыецца глыбокая, пакорная мудрасць. Скрозь усе выпрабаванні Яна заставалася вернай да канца. Дапамажы нам чэрпаць моц у Яе трываласці і крочыць з Табою, Пане, у цёмны час і ў дні спакою.

Размова

Добры Езу, я магу адкрыць Табе сэрца.
Магу сказаць Табе ўсё, што мяне турбуе.
Я ведаю, што Цябе хвалююць усе мае клопаты.
Навучы мяне жыць, не забываючыся,
што Ты ахінаеш мяне апекай сёння
і будзеш клапаціцца заўтра і ва ўсе дні жыцця майго.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн