Прысутнасць

Пане Божа, дай мне ціхі, лагодны і ўважлівы дух на час сённяшняй малітвы.

Свабода

Пане, Ты стварыў мяне для жыцця ў свабодзе. Няхай Твой Святы Дух вядзе мяне вольна крочыць за Табой. Укарані ў маім сэрцы жаданне пазнаваць і любіць Цябе з кожным днём усё больш.

Усведамленне

Усведамляючы Тваю прысутнасць, Пане,
праглядаю сваё нядаўняе мінулае.
Дазволь мне быць шчырым з самім сабой і з Табой
наконт думак, слоў, учынкаў,
бо я ведаю, што Ты любіш праўду ў сэрцы
і прымаеш мяне такім, які я ёсць.

Божае слова

¹⁸А Ён казаў: «Да чаго падобнае Валадарства Божае, і з чым параўнаю яго? ¹⁹Яно падобнае да гарчычнага зерня, якое ўзяў чалавек і пасадзіў у сваім садзе. А яно вырасла і стала вялікім дрэвам, і птушкі нябесныя зрабілі гнёзды ў галінах яго».

²⁰І зноў сказаў: «З чым параўнаю Валадарства Божае? ²¹Яно падобнае да закваскі, якую жанчына ўзяла і паклала ў тры меры мукі, аж усё ўкісла».

Разважанне да Божага слова

Тут ёсць два пытанні для разважання: што такое Божае Валадарства і з чым яго можна параўнаць? Усведамляеш ты гэта ці не, але ўжо маеш нейкае разуменне Бога. У цябе ёсць ідэі і вобразы таго, як мусіць выглядаць Валадарства. Яно можа быць падобным да гарчычнага зерня, да пшанічнага зерня або да чагосьці іншага, што бліжэй менавіта табе. Дай волю свайму ўяўленню і адначасова заўваж, як натхняе цябе Дух маліцца сёння: розумам ці сэрцам?

Размова

Каб камунікаваць, нам не заўсёды трэба размаўляць.
Калі ўяўляю сябе поруч з Езусам…
і проста гляджу на Яго, а Ён на мяне…
…як я сябе адчуваю?

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн