Прысутнасць

Бог ёсць Эммануэль, Бог-са-мной. Ягоная прысутнасць ахінае мяне прамяністай любоўю. Ён дакладна ведае, што мне патрэбна ў кожны момант. Я ўскладаю ўвесь свой давер на Яго.

Свабода

Дзякуй, Пане, што маю свабоду.
Няхай жа я здолею выкарыстаць гэты дар, каб рабіць тое, што магу,
для прыгнечаных і абцяжараных людзей.

Усведамленне

Дзе ў сваім жыцці я адчуваю надзею, заахвочванне і бачу перспектывы росту? Прыгадваючы мінулыя некалькі месяцаў, ці не адчуваю я, якая дзейнасць і якія падзеі прыносілі багаты плён? Калі так, то прымаю рашэнне прысвячаць ім больш часу у будучыні.

Божае слова

²⁵У той час, адказваючы, Езус сказаў: «Праслаўляю Цябе, Ойча, Пане неба і зямлі, што Ты закрыў гэта ад мудрых і разумных і адкрыў гэта дзецям. ²⁶Так, Ойча, бо так было Табе даспадобы. ²⁷Усё перададзена Мне Айцом Маім, і ніхто не ведае Сына, апроч Айца; і Айца ніхто не ведае, апроч Сына і таго, каму Сын захоча адкрыць.

²⁸Прыйдзіце да Мяне, усе спрацаваныя і абцяжараныя, і Я супакою вас. ²⁹Вазьміце ярмо Маё на сябе і навучыцеся ад Мяне, бо Я ціхі і пакорны сэрцам, і знойдзеце спакой для сваіх душаў. ³⁰Бо ярмо Маё прыемнае, і цяжар Мой лёгкі»

Разважанне да Божага слова

Часам навука Езуса здаецца вельмі простай, амаль дзіцячай. Ён прамаўляе ад свайго сэрца да нашых сэрцаў. Пане, адкрый нашыя вочы і дух. Дай нам хоць крыху той свежасці ўспрымання і здольнасці здзіўляцца, з якімі дзеці глядзяць на свет, каб мы маглі адчуць увесь цуд Твайго паслання.

Размова

Пане, дапамагай мне кожны дзень
шукаць Тваёй прысутнасці ўсё больш і больш.
Напоўні сэрца любоўю да Цябе.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн