Láthair Dé

Dá mhéad a ghlaoimid ar an Tiarna, is mó a bhraithimid a láithreacht. Ó lá go lá, tarraingíonn sé níos gaire muid dá chroí grámhar.

Saoirse

“Táim saor.”
Nuair a fheicim na focail seo scríofa,
is amhail go spreagann siad iontas ionam.
Sea, mothú iontach na saoirse.
Go raibh maith agat, a Dhia.

Comhfhiosacht

Fiafraím conas atáim ionam féin inniu.
An bhfuil mé thar a bheith tuirseach, faoi strus, nó as foirm?
Má bhaineann aon cheann de na tréithe seo liom,
an féidir liom triail a bhaint as scaoileadh leis na hábhair imní a chuireann isteach orm?

Briathar Dé

⁹Faoi mar a thug an tAthair grá domsa, thug mise grá daoibhse chomh maith. Fanaigí i mo ghrá. ¹⁰Má choinníonn sibh m’aitheanta, fanfaidh sibh i mo ghrá, faoi mar a choinnigh mise aitheanta m’Athar, agus a fhanaim ina ghrá. ¹¹Dúirt mé na nithe seo libh chun go mbeadh mo lúcháir-sé ionaibh agus go mbeadh bhur lúcháir-sé iomlán.

¹²Is í seo m’aithne: sibh a thabhairt grá dá chéile, faoi mar a thug mé grá daoibh. ¹³Níl grá ag aon duine níos mó ná seo go dtabharfaidh duine a anam ar son a chairde. ¹⁴Sibhse mo chairde má dhéanann sibh na nithe a ordaím daoibh. ¹⁵Ní seirbhísigh a thugaim oraibh feasta, mar ní eol do sheirbhíseach gnó a mháistir. Ach thug mé cairde oraibh, óir gach a gcuala ó m’Athair, chuir mé in iúl daoibh é. ¹⁶Ní sibhse a rinne mise a thoghadh, ach mise a rinne sibhse a thoghadh, agus a cheapadh chun go n‑imeodh sibh agus toradh a thabhairt agus go mairfeadh bhur dtoradh; i dtreo, cibé ní a d’iarrfadh sibh ar an Athair i m’ainm, go dtabharfadh sé daoibh é. ¹⁷Is iad seo m’aitheanta daoibh: sibh a thabhairt grá dá chéile.

Inspioráid

Cruthaítear fíorghrá i ngníomhartha seachas i bhfocail. Laghdaigh ár dTiarna na haithne go léir go dtí dhá cheann, agus is é atá iontu ná an t-aon aithne mhór amháin chun grá a thabhairt. Is as aon chroí amháin a thugann muid grá do Dhia agus do chomharsa araon. Sin é croílár ár saoil ar talamh, sé sin forbairt a dhéanamh ar an gcumas a fuaireamar ó Dhia chun grá a thabhairt, ionas gur féidir linn, sa deireadh, cumasc le Dia, arb é an Grá é.

Tugann Íosa cuireadh dúinn uile chun dlúthchairdeas a bheith againn leis. Sa chaidreamh seo, nochtfaidh sé é féin dúinn, agus roinnfidh sé linn, mar a rinne sé lena aspal, an méid atá foghlamtha aige óna Athair. Is cuireadh í an phaidir i gcónaí, agus is fúinn féin atá sé freagairt.

Comhrá

“D’fhéach sé air agus bhí grá aige dó”. (Marcas 10:21). An féidir liom ligean dom féin suí i radharc grámhar Íosa, A thugann grá dom i gcónaí agus i ngach áit, i ngach cás? Féachann Dia orm i gcónaí le grá neamhchoinníollach.

Conclúid

I thank God for these few moments we have spent alone together and for any insights I may have been given concerning the text.

Áiméan