Láthair Dé

Fanann Íosa, ina thost agus gan bheith fecithe, le teacht isteach i mo chroí.
Freagróidh mé dá ghlaoch.
Tagann sé lena chumhacht gan teorainn agus a ghrá.
Go líonfar mé le lúcháir ina láthair.

Saoirse

Déanaim iarracht scaoileadh le haon chlaontacht no caol-intinn
a bhfuil ag cur scamaill ar mo fhís faoi láthair.
Geillim iad do chúram trócaireach Dé, ionas gur féidir liom guí i saoirse, fírinne agus soiléireacht.

Comhfhiosacht

Nuair a fhillim ar mo thascanna laethúla,
cuir i gcuimhne dom, a Thiarna,
go bhfuil tú i gcónaí in aice liom.
Ní gá dom éadóchas a bheith orm riamh.

Briathar Dé

¹⁶Amen, Amen, a deirim libh, níl aon seirbhíseach níos mó ná a mháistir, ná níl aspal níos mó ná an té a chuir uaidh é. ¹⁷Má tá a fhíos agaibh na nithe sín, is méanar daoibh má dhéanann sibh iad. ¹⁸“Nílim ag labhairt oraibh go léir, óir aithním na daoine a thogh mé, ach chun go gcomhlíonfaí an scrioptúr: ‘An té a d’ith arán liom, d’ardaigh sé a sháil i mo choinne.’ ¹⁹Táim á insint sin daoibh anois, roimh ré, sula dtarlaíonn sé, i dtreo, nuair a tharlaíonn sé, go gcreidfidh sibh gur mise é. ^{, 20}Amen, Amen, a deirim libh, an té a ghlacann aon duine a chuirfidh mise uaim, is mise a ghlacann sé; agus an té a ghlacann mise, glacann sé an té a chuir uaidh mé.”

Inspioráid

Is rud amháin é an fhírinne a bheith ar eolas againn agus rud eile é maireachtáil dá réir, ach deir Íosa linn go bhfuilimid beannaithe má dhéanaimid é. Níl ach múinteoir amháin againn, sé sin Críost. Is é Íosa, ár Máistir agus ár dTreoraí, an príomhábhar i gcónaí dúinn. Sa Dara Seachtain de Chleachtaí Spioradálta Naomh Iognáid, is é an paidir a deirtear i ngach machnamh ná, 'A Thiarna, cuidigh liom tú a aithint níos mó ionas go mbeidh grá níos mó agam duit agus go leanfaidh mé tú níos dlúithe i mo shaol.'

Comhrá

Go dtreoraí do Spiorad Naomh mé
i mo chuid caidrieah go léir.
Go n-úsáide mé bronntanas na cainte le cineáltas.

Conclúid

I thank God for these few moments we have spent alone together and for any insights I may have been given concerning the text.

Áiméan