Láthair Dé

A Thiarna, tá tú i gcónaí ann
ag fanacht liom.
Ná raibh mé ró-ghnóthach riamh le
teacht ar am le caitheamh i do láthair.

Saoirse

A Thiarna, deonaigh dom an grásta bheith saor ó ainmheasarthacht na beatha seo. Ná lig dom a bheith gafa leis an dúil sa rachmas. Coinnigh mo chroí agus mo intinn saor chun grá agus seirbhís a thabhairt duit.

Comhfhiosacht

Is é a bheith feasach ar rud éigin ná a bheith ar an eolas faoi. A Thiarna, cabhraigh liom cuimhneamh gur thug Tú mo bheatha dom. Go raibh maith agat as bronntanas na beatha. Múin dom moilliú a dhéanamh, a bheith suaimhneach agus taitneamh a bhaint as na pléisiúir a cruthaíodh dom, a bheith feasach ar an áilleacht atá thart timpeall orm: iontas na sléibhte, suaimhneas locha, leochaileacht peitil bláthanna. Ní mór dom a mheabhrú go dtagann na rudaí seo go léir uait.

Briathar Dé

⁷Dá mbeadh aithne agaibh ormsa, d’aithneodh sibh m’Athair chomh maith. Tá aithne agaibh air feasta, agus tá radharc faighte agaibh air.”

⁸Dúirt Pilib leis: “A Thiarna, taispeáin dúinn an tAthair agus is leor dúinn sin.” ⁹Dúirt Íosa leis: “An bhfuilim an fad sin aimsire, a Philib, in bhur measc agus gan aithne agat orm? An té a chonaic mise, chonaic sé an tAthair. Conas, mar sin, a deir tú: ‘Taispeáin dúinn an tAthair’? ¹⁰Nach gcreideann tú go bhfuilimse san Athair agus an tAthair ionamsa? Na briathra a labhraímse libh, ní uaim féin a labhraím iad, ach an tAthair atá ina chónaí ionamsa, eisean a dhéanann na hoibreacha. ¹¹Creidigí uaimse é go bhfuilimse san Athair agus an tAthair ionamsa, nó murab é sin, creidigí mar gheall ar na hoibreacha féin. ¹²Amen, Amen, a deirim libh, an té a chreideann ionamsa, na hoibreacha a dhéanaimse, déanfaidh seisean iad chomh maith, agus déanfaidh sé oibreacha is mó ná iad; mar táimse ag dul chun an Athar. ¹³Cibé ní a iarrfaidh sibh i m’ainm déanfaidh mé é, i dtreo go dtabharfaí glóir don Athair tríd an Mac. ¹⁴Má iarrann sibh aon ní orm i m’ainm, déanfaidh mé é.

Inspioráid

In Íosa, tá ár nDia tagtha chun bheith linn agus chun cabhrú linn aithne a chur air. Léimid in Hóisé 6:6, ‘Is é atá uaim ná trócaire, ní íobairtí, eolas ar Dhia, ní uileloscthaí.’ Mar dhaoine, foghlaimímid faoi dhuine trí léamh fúthu, ach ní chuirimid aithne orthu ach trí bhualadh leo go pearsanta. Sin é an fáth go bhfuil an teagmháil le Dia san urnaí chomh tábhachtach.

Is é Dia i gcónaí a dhéanann an obair sa phaidir trína nochtadh féin dúinn. Is é ár gcúram teacht os a chomhair i gcreideamh agus ár gcuid ama agus aire a thabhairt dó chomh maith agus is féidir linn. Fágaimid an chuid eile leis.

Comhrá

Chun cumarsáid a dhéanamh ní gá dúinn labhairt i gcónaí.
An féidir liom mé féin a shamhlú i mo shuí go ciúin le hÍosa?
Mise ag breathnú go ciúin air agus Eisean ormsa.
Conas a mhothaím?

Conclúid

Filled with the loving presence of God,
I ask Him to bless me and guide my steps
as I go to do His work in my daily life.

Áiméan