Láthair Dé

A Thiarna, cuidigh liom a bheith oscailte duit
ar feadh an tráth seo, agus cúramaí an tsaoil á chur ar leataobh agam.
Líon mo smaointe le Do shíocháin agus le do Ghrá.

Saoirse

A Thiarna, guím ar son do bhronntanas saoirse.
Go dtuga do Spiorad Naomh
treoir dóibh siúd atá i gcumhacht oibriú i gcoir
fíor-cheartas do mhuintir go léir.

Comhfhios

Is oilithrigh sinn go léir ar thuras chugatsa, a Thiarna.
Go ndéanaimis machnamh ar do chuid ama ar domhan,
agus, le do chabhair, go leanaimis do choiscéimeanna.

Briathar Dé

³⁸ Sa tslí dóibh, tháinig sé isteach i mbaile áirithe, agus chuir bean darbh ainm Marta fáilte roimhe chun a tí^{. 39} Bhí deirfiúr aici darbh ainm Muire, agus bhí sí seo ina suí ag cosa an Tiarna ag éisteacht lena bhriathar. ⁴⁰ Marta féin, áfach, bhí a hintinn tógtha suas ag an iomad freastail. Stad sí os a chomhair amach agus dúirt: “A Thiarna, an ea nach cás leat gur fhág mo dheirfiúr an freastal fúmsa i m’aonar? Abair léi mar sin lámh chúnta a thabhairt dom.” ⁴¹ Dúirt an Tiarna léi á freagairt: “A Mharta, a Mharta, tá imní ort agus buaireamh mar gheall ar mhórán nithe. ⁴² Ach níl riachtanas ach le haon ní amháin. Óir is í an pháirt is fearr ba rogha le Máire, agus ní bhainfear í sin di.”

Inspioráid

Tá bronntanas na saorthola againn uile, mar gan í, ní féidir linn grá a thabhairt. Fiú sna campaí príosúin Naitsíocha, ba é an t-aon rud nárbh fhéidir a bhaint dínn choíche. Ach bíonn iarmhairtí ag baint lenár roghanna agus ní mór dúinn maireachtáil leo. Roghnaigh Muire i mBéatáine, mar eiseamláir den mhachnamhach, suí ag cosa an Tiarna agus éisteacht leis.

Comhrá

A Thiarna, tá m’ainm greanta agat
ar bhois do láimhe.
Fiú má dhéanann daoine eile dearmad orm,
Ní dhéanfaidh tusa dearmad riamh.

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan