Láthair Dé

A Thiarna, cuidigh liom aird iomlán a thabhair tar do láithreacht naofa. Clúdaigh mé i do ghrá. Deonaigh mo chroí a bheith aontaithe le do chroí.

Saoirse

“Sna laethanta siúd, mhúin Dia mé
mar a mhúineann mhúinteoir scoile dalta.” (Naomh Iognáid).
Meabhraím dom féin go bhfuil rudaí fós le teagasc ag Dia dom,
agus iarraim an grásta chun iad a chlos agus ligean dóibh mé a athrú.

Comhfhios

Agus mé ag caint leat, a Dhia,
cuidigh liom cur leis an tuiscint atá agam ar bhronntanais na cumarsáide.
Deonaigh go labhróidh mé amach ar son na ndaoine sin nach bhfuil guth acu
agus bíodh focal cineálta agam i gcónaí dóibh siúd atá i ngátar.

Briathar Dé

¹¹ Ansin, sa tslí dó go Iarúsailéim, ghabh sé feadh na teorann idir an tSamáir agus an Ghailíl; ¹² agus le linn dó bheith ag dul isteach i mbaile áirithe, tháinig faoina dhéin deichniúr lobhar. Stad siad tamall uaidh, ¹³ agus labhair siad go hard á rá: “A Íosa, a Mháistir, bíodh trua agat dúinn!” ¹⁴ Ar a fheiceáil sin dó, dúirt sé leo: “Imígí agus taispeánaigí sibh féin do na sagairt.” Agus ag dul ann dóibh, glanadh iad. ¹⁵ Ach ar a fheiceáil do dhuine acu go raibh sé leigheasta, tháinig sé ar ais agus é ag tabhairt glóire do Dhia de ghlór ard, ¹⁶ agus chaith é féin ar a bhéal ag cosa Íosa ag tabhairt buíochais dó. Agus ba Shamárach eisean. ¹⁷ Labhair Íosa agus dúirt: “Nár glanadh an deichniúr? Agus an naonúr eile, cá bhfuil siad? ¹⁸ An ea nach raibh aon duine le fáil a thiocfadh ar ais ag tabhairt glóire do Dhia ach an coimhthíoch seo amháin?” ¹⁹ Agus dúirt sé leis: “Éirigh agus imigh leat; shlánaigh do chreideamh tú.”

Inspioráid

D’fhéadfadh ár dTiarna a fhiafraí, cá bhfuil an naonúr eile? An bhfaighimid muid féin riamh i measc na naonúr a dhearmad buíochas a ghabháil leis an Tiarna? Leagann Naomh Iognáid béim ar an bhfíric gur dearcadh an-tábhachtach é an buíochas le forbairt ar ár dturas spioradálta. Is bealach an-chabhrach é chun dul i mbun paidreoireachta, mar dá mhéad a bhíonn muid ar an eolas faoin mbronntanas, is ea is mó a bhíonn muid ar an eolas faoin mbronntóir. Is bronntanas ó Dhia gach rud atá againn. Scríobh Naomh Pól, 'Bígí buíoch i gcónaí.'

Comhrá

A Íosa, labhraíonn tú liom trí bhriathra na Soiscéal.
Go bhfreagraí mé do ghlaoch inniu.
Múin dom do láimh a aithint ag obair i mo shaol laethúil.

Conclúid

Gabhaim buíochas le Dia as bronntanas a ghrá
agus mé ag imeacht le lúcháir agus dóchas
chun freastal ar a mhuintir.

Áiméan