Láthair Dé

leAg am ar bith den lá nó den oíche, is féidir linn glaoch ar Íosa.
Tá sé ag fanacht i gcónaí, ag éisteacht dár nglaoch.
Nach iontach an bheannacht sin?
Níl gá le fón, ná r-phoist, níl gá ach cogar.

Saoirse

A Thiarna, chruthaigh tú mé le bheith beo i saoirse.
Déanaim talamh slán den mbronntanas seo go hiondúil.
Spreag mé le maireachtáil sa tsaoirse a bhí beartaithe agat,
le croí saor ó bhuairt agus le muinín iomlán asat.

Comhfhios

A Dhia, i do láthair ghrámhar téim tríd an lá a chuaigh thart,
ag tosú anois agus ag breathnú siar, nóiméad ar nóiméad.
Cruinním gach maitheas agus solas, le buíochas.
Freastalaím ar na scáthanna agus ar a ndeir siad liom,
ag iarraidh do leighis, do léargas, agus do mhaithiúnas.

Briathar Dé

²⁹ Nuair a bhí na sluaite ag tiomsú chuige, thosaigh sé ag rá: “Is drochghlúin an ghlúin seo: tá sí ag lorg comhartha, agus comhartha ní thabharfar di ach comhartha Ióna ³⁰ Óir, amhail mar bhí Ióna ina chomhartha do na Nínivéigh, is amhlaidh sin a bheidh Mac an Duine don ghlúin seo. ³¹ Éireoidh banríon an deiscirt in am an bhreithiúnais le muintir na glúine seo agus daorfaidh sí iad, óir tháinig sise as imill na cruinne ag éisteacht le heagna Sholaimh, agus tá anseo neach is mó ná Solamh. ³² Éireoidh muintir Nínivé ina seasamh in am an bhreithiúnais leis an nglúin seo, agus daorfaidh siad í, óir rinne siad aithrí nuair a d’fhógair Ióna é, agus tá anseo neach is mó ná Ióna

Inspioráid

Beidh fíor Íosa Mac Dé ar an gCrois ina chomhartha dúinn i gcónaí ar ghrá ollmhór Dé dúinn. Is linn uile bua Chríost. Gabhaimis buíochas leis.

Aithnímis cé atá ar an gCrois sin. Gheall Íosa go mbeadh sé linn i gcónaí. Dá dtuigimis bronntanas Dé agus cé atá linn anois inár n-urnaí.

Comhrá

Chun cumarsáid a dhéanamh ní gá dúinn labhairt i gcónaí.
An féidir liom mé féin a shamhlú i mo shuí go ciúin le hÍosa?
Mise ag breathnú go ciúin air agus Eisean ormsa.
Conas a mhothaím?

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan