Láthair Dé

““Tagaigí chugam, sibhse uile a bhfuil saothar agus tromualach oraibh, agus tabharfaidh mé faoiseamh daoibh.” (Matha 11:28). Seo mise, a Thiarna. Táim tagtha chun do láithreacht a lorg. Táim ag tnúth le do chumhacht cneasaithe.

Saoirse

“Níl ach fíorbheagán duine
a thuigeann cad a dhéanfadh Dia astu
dá ngéillfeadh siad dá lámha chun go
múnlódh a ghrásta iad” (Naomh Iognáid)
Iarraim an grásta chun muinín iomlan a chuir i ngrá Dé.

Comhfhios

Agus fios agam go bhfuil grá ag Dia dom gan choinníoll,
Breathnaím go hionraic thar an lá, a chuid imeachtaí agus mo mhothúcháin.
An bhfuil rud éigin agam le bheith buíoch as? Ansin gabhaim buíochas.
An bhfuil rud éigin a bhfuil brón orm faoi? Ansin iarraim maithiúnas.

Briathar Dé

¹² Dúirt sé freisin leis an té a thug an cuireadh dó: “Nuair a bhíonn meán lae nó dinnéar á thabhairt agat, ná cuir gairm ar do chairde ná ar do bhráithre ná ar do ghaolta ná ar do chomharsana saibhre, le heagla go dtabharfaidís sin cuireadh duitse ar a seal agus go ndíolfaí an comhar leat. ¹³ Ach nuair a bhíonn fleá agat á tabhairt, tabhair cuireadh do bhoicht, do mhairtínigh, do bhacaigh, do dhaill; ¹⁴ agus beidh sonas ort, de bhrí nach bhfuil teacht acu ar é a chúiteamh leat; óir cúiteofar leat é in aiséirí na bhfíréan.”

Inspioráid

Tugann Dia, ina fhlaithiúlacht gan teorainn, cuireadh do gach duine chuig an bhféasta síoraí ar neamh. Cuireann Naomh Pól i gcuimhne dúinn nach bhfuil aon rud againn nach bhfuil tugtha dúinn go saor ó Dhia. Is ceart ár mbronntanais agus ár dtalann a chur i seirbhís daoine eile. Bímis flaithiúil leis na daoine atá i ngátar agus roinnimis dea-rudaí an tsaoil seo.

Comhrá

A Thiarna, tá a fhios agam nach bhfuil gá le focail nuair a chasaim chugat.
Is féidir leat féachaint isteach i mo chroí.
Aithníonn tú mo mhianta agus tá mo chuid riachtanas ar eolas agat.
Cuirim mé féin i do lámha.

Conclúid

Gabhaim buíochas le Dia as bronntanas a ghrá
agus mé ag imeacht le lúcháir agus dóchas
chun freastal ar a mhuintir.

Áiméan