Láthair Dé

Tá Dia liom, ach níos mó,
Tá Dia istigh ionam, ag tabhairt beatha dom.
Lig dom marana ar feadh nóiméad ar láithreacht Dé a thugann beatha
i mo chorp, m’intinn, mo chroí
agus i mo shaol ar fad.

Saoirse

Tá an cumas ag gach rud grá agus saol níos iomláine a spreagadh ionam.
Ach is minic a bhíonn mo mhianta gafa le seachmaill sásaimh.
Iarraim ort, a Dhia, trí mo shaoirse, mo mhianta a stiúradh
i séis beoga, grámhar, lán de chomhcheoil, ag comhlíonadh Do thola tríomsa.

Comhfhios

A Athair ar Neamh, go bhfása mé sa bhua mar a thógaim am as mo lá chun éisteacht leat agus am a chaitheamh in éineacht leat. Go racha do mhaitheas isteach i mo shaol, agus ó mo shaol go saol na ndaoine go léir a gcasaim orthu.

Briathar Dé

¹ Ag breathnú suas dó, chonaic sé na daoine saibhre ag cur a n‑ofrálacha isteach sa chiste; ² Agus chonaic sé baintreach dhealbh ag cur dhá leathfheoirling ann, ³ agus dúirt: “Deirim libh go dearfa, chuir an bhaintreach bhocht seo níos mó isteach ná cách eile; ⁴ óir is cuid den iomarca a bhí acu a chuir siad siúd uile isteach sna hofrálacha chun Dé, ach chuir sise isteach as a huireasa a raibh den saol aici.”

Inspioráid

Is rud amháin é a thabhairt as do fhlúirse, ach rud eile ar fad é an beagán atá agat le maireachtáil air a thabhairt uaidh. Ach is é Dia an té a thugann dúinn gach nóiméad den saol, agus tá go leor scéalta sna scrioptúir agus i saolta na naomh faoina oirchill agus a fhlaithiúlacht gan teorainn.

B’fhéidir gur mhaith leat aon cheann de na scéalta seo a thabhairt chun cuimhne nó Maitiú 6:25-36 a thógáil agus guí air.

Comhrá

“D’fhéach sé air agus bhí grá aige dó”. (Marcas 10:21). An féidir liom ligean dom féin suí i radharc grámhar Íosa, A thugann grá dom i gcónaí agus i ngach áit, i ngach cás? Féachann Dia orm i gcónaí le grá neamhchoinníollach.

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan