Láthair Dé

Cloisim an Tiarna ag rá m’ainm i gcogar, ag tabhairt cuireadh dom teacht isteach san tráth urnaí seo. Ligim do gach seachrán dul i léig agus mé ag baint pléisiúr as gaire Dé.

Saoirse

Tá go leor tíortha ag fulaingt péin an chogaidh faoi láthair. Cromaim mo cheann le buíochas as mo shaoirse. Guím ar son gach príosúnach, gach braighdeanach agus iad siúd atá ag fulaingt de bharr cogaidh.

Comhfhios

A Athair ar Neamh, go bhfása mé sa bhua mar a thógaim am as mo lá chun éisteacht leat agus am a chaitheamh in éineacht leat. Go racha do mhaitheas isteach i mo shaol, agus ó mo shaol go saol na ndaoine go léir a gcasaim orthu.

Briathar Dé

²⁹ Agus labhair sé parabal leo: “Féachaigí an crann fígí agus na crainn eile. ³⁰ Nuair a bhíonn siad ag eascar, bíonn a fhios agaibh ag féachaint orthu, go bhfuil an samhradh in achmaireacht feasta. ³¹ Amhlaidh sin daoibh nuair a fheicfidh sibh na nithe úd ag teacht, bíodh a fhios agaibh go bhfuil ríocht Dé in achmaireacht. ³² Deirim libh go fírinneach, ní imeoidh an ghlúin seo gan gach uile ní a bheith tagtha chun cinn. ³³ Imeoidh neamh agus talamh, ach ní imeoidh mo bhriathrasa choíche.

Inspioráid

Tagann an t-earrach bliain i ndiaidh bliana, ag tabhairt duilleoga nua do na crainn ionas go sílimid go leanfaidh sé seo ar aghaidh go deo. Ach is tréimhse sealadach atá ann, agus idir an dá linn, mairfidh na crainn níos faide ná sinn féin. De réir mar a théann muid in aois, tosaímid ag fulaingt na ndeacrachtaí a thagann leis an seanaois, agus aithnímid ár ndeireadh féin ag druidim linn. Guímis go nglacfaimid lenár laige go grástúil agus go ngéillfimid níos mó agus níos mó do Dhia.

Comhrá

Chun cumarsáid a dhéanamh ní gá dúinn labhairt i gcónaí.
An féidir liom mé féin a shamhlú i mo shuí go ciúin le hÍosa?
Mise ag breathnú go ciúin air agus Eisean ormsa.
Conas a mhothaím?

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan