Láthair Dé

“Tá an domhan líonta ag maorgacht Dé” (Gerard Manley Hopkins)
Mairim ar feadh meandair ar láithreacht Dé i mo thimpeall, i ngach cuid de mo cholainn, agus i mo chroí istigh.

Saoirse

A Athair Neamhaí, léirigh dom cibé ualach atá á iompar agam inniu agus tabhair grásta dom é a chur ag bun do Chroise agus dul isteach saor san tráth paidreoireachta seo.

Comhfhios

A Thiarna, tá tú i láthair i ngach ní
Agus nuair a thógaim am chun suí agus a bheith in éineacht leat,
bíonn sos ag m’intinn
agus mothaím do shíocháin.

Briathar Dé

²⁹Lá arna mhárach chonaic Eoin Íosa ag teacht chuige agus dúirt sé: “Seo é Uan Dé a thógann peaca an domhain. ³⁰Eisean an té a ndúirt mé faoi: ‘Tá duine ag teacht i mo dhiaidh a bhfuil tosach aige orm, mar bhí sé ann romham.’ ³¹Níorbh aithnid dom féin é, ach is chun go nochtfaí dʼIosrael é a tháinig mé ag baisteadh le huisce.” ³²Agus thug Eoin fianaise: “Chonaic mé,” ar sé, “an Spiorad, mar cholm, ag tuirlingt air ó na flaithis agus ag fanacht air. ³³Níorbh aithnid dom féin é, ach an té a sheol mé ag baisteadh le huisce, dúirt seisean liom: ‘An té ar a bhfeicfidh tú an Spiorad ag tuirlingt agus ag fanacht air, eisean an té a bhaisteann leis an Spiorad Naomh.’ ^34Chonaic mé agus is finné mé gurb é seo Mac Dé.”

Inspioráid

Cé gur lorg go leor ceannaireacht agus ionspioráid ó Eoin Baiste, ba é a rinne sé i gcónaí an bealach chun cinn a léiriú do dhaoine eile, ach ní ar bhealach a rinne spleáchar féin iad ná a mhóradh é féin. Bhí sé mar a bheadh múinteoir maith ag oscailt réimsí nua fáis dúinn agus ag tabhairt ár dtalann go dtí an leibhéal is airde.

Comhrá

Teastaíonn caint agus éisteacht le comhrá.
Agus mé ag caint le hÍosa b’fhéidir go bhfoghlaimeoidh mé freisin a bheith socair agus éisteacht.
Samhlaím an naofacht ina shúile
agus an aoibh gháire lán de ghrá agus Sé ag amharc orm.
Is féidir liom a bheith iomlán macánta le hÍosa agus mé ag insint dó faoi mo imní agus mo chuid cúramaí.
Osclóidh mé mo chroí dó agus mé ag insint dó faoi mo chuid eagla agus mo amhras.
Iarrfaidh mé air cabhrú liom mé féin a chur go hiomlán faoina chúram,
mé féin a thréigean dó,
a fhios agam go bhfuil sé i gcónaí ag iarraidh an rud is fearr domsa.

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan