Láthair Dé

Fanann Íosa, ina thost agus gan bheith fecithe, le teacht isteach i mo chroí.
Freagróidh mé dá ghlaoch.
Tagann sé lena chumhacht gan teorainn agus a ghrá.
Go líonfar mé le lúcháir ina láthair.

Saoirse

Tá sé chomh furasta a bheith gafa
le gaistí an rachmais sa saol seo.
Deonaigh, a Thiarna, go mbeinn saor
ó saint agus féiniúlacht.
Cuir i gcuimhne dom go bhfuil na rudaí is fearr sa saol saor in aisce:
grá, gáire, cúram agus comhroinnt.

Comhfhios

A Thiarna, thug tú an oíche dom chun mo scíth a ligean i gcodladh.
I m’uaireanta dúiseachta ná déana mé dearmad ar do mhaitheas dom.
Treoraigh mé do chuid beannachtaí a roinnt le daoine eile.

Briathar Dé

¹Dʼimigh sé as an áit sin agus tháinig sé ina dhúiche féin, agus lean a chuid deisceabal é. 2Agus ar an tsabóid thosaigh sé ag teagasc sa tsionagóg, agus ghabh iontas mórán dár chuala é; agus deiridís: “Cá bhfuair sé seo an méid sin? Agus cén eagna í seo a tugadh dó agus na míorúiltí móra seo a dhéantar trína lámha? ³ Nach é seo an saor adhmaid, mac Mhuire agus bráthair Shéamais agus Iósaef agus Iúdáis agus Shíomóin? Agus nach bhfuil a shiúracha anseo inár measc?” Agus ghlac siad scannal ann. ⁴Ach dúirt Íosa leo: “Ní bhíonn fáidh faoi neamhchion ach amháin ina dhúiche féin agus i measc a ghaolta féin agus ina theaghlach féin.” ⁵Agus ní fhéadfadh sé míorúilt ar bith a dhéanamh ansiúd ach amháin a lámha a chur ar bheagán othar agus iad a leigheas, ⁶agus rinne sé ionadh dá ndíchreideamh.

Agus ghabh Íosa timpeall ar fud na mbailte ag teagasc.

Inspioráid

Arís eile, meabhraítear dúinn, gan creideamh, nach dócha go ndéanfadh Íosa beart. Bhí i bhfad níos mó seans ann go mbeadh iontas orthu siúd a tháinig chuig an Tiarna le fíor-chreideamh go bhféadfaí rud éigin iontach a dhéanamh dóibh ná ar na daoine a raibh amhras orthu.

Comhrá

A Thiarna, tá m’ainm greanta agat
ar bhois do láimhe.
Fiú má dhéanann daoine eile dearmad orm,
Ní dhéanfaidh tusa dearmad riamh.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan