Láthair Dé

Tá Dia liom, ach níos mó, tá Dia laistigh díom.
Lig dom machnamh ar feadh nóiméad ar láithreacht Dé a bhronann beatha
i mo chorp, i m’intinn, i mo chroí,
mar tá mé anseo, díreach anois.

Saoirse

“Sna laethanta siúd, mhúin Dia mé
mar a mhúineann mhúinteoir scoile dalta.” (Naomh Iognáid).
Meabhraím dom féin go bhfuil rudaí fós le teagasc ag Dia dom,
agus iarraim an grásta chun iad a chlos agus ligean dóibh mé a athrú.

Comhfhios

Mairim i ngréasán caidrimh – naisc leis an dúlra, le daoine, le Dia.
Rianaim na naisc seo amach, ag gabháil buíochais as an saol a ritheann tríothu.
Tá roinnt nasc casta nó briste: seans go mothaím aiféala, fearg, díomá.
Guím ar son bronntanas glacadh agus maithiúnais.

Briathar Dé

⁷Ghlaoigh sé an dáréag chuige agus thosaigh á gcur amach ina mbeirt agus ina mbeirt, agus thug údarás dóibh ar na spioraid mhíghlana. ⁸Dʼordaigh sé dóibh gan aon ní a bhreith leo i gcomhair an bhóthair ach amháin bata–arán ná tiachóg ná airgead sa chrios; 9ach cuaráin a chur orthu, “agus ná cuirigí dhá ionar oraibh”. 10Agus dúirt sé leo: “Cibé áit a dtéann sibh isteach i dteach, cuirigí fúibh ann nó go mbeidh sibh ag fágáil na háite. 11Agus áit ar bith nach nglacfaidh libh agus nach áil leo éisteacht libh, gabhaigí amach as sin agus croithigí an deannach atá faoi bhur gcosa mar fhianaise ina n‑aghaidh.” 12Agus ar dhul amach dóibh dʼfhógair siad aithrí a dhéanamh ¹³agus chaith siad amach mórán deamhan agus rinne siad mórán othar a ungadh le hola agus leigheas siad iad.

Inspioráid

Chuaigh na deisceabail amach in ainm an Tiarna, agus iad den tuairim go raibh rud éigin a chothaíonn beatha acu le tairiscint. Is dócha gur réitigh a ndíograis, a ndóchas agus a muinín an talamh a bhí siad chun a shaothrú agus gur bheannaigh na tréithe sin an obair a mhothaigh siad a cuireadh iad ansin le déanamh. Is dearcadh maith é seo le haithris agus muid ag dul i mbun ár gcúraimí féin.

Comhrá

Conas a bhog Briathar Dé mé?
Ar fhág sé fuar mé?
Ar chuir sé sólás orm nó ar spreag sé mé chun gníomhú ar bhealach nua?
Samhlaím Íosa ina sheasamh nó ina shuí in aice liom agus
Casaim agus roinnim mo mhothúcháin leis.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan