Láthair Dé

“Éistigí! bíodh a fhios agaibh gur mise is Dia ann” (Salm 46:10). A Thiarna, treoraíonn do bhriathra sinn chuig suaimhneas agus mórgacht do láithreachta.

Saoirse

A Thiarna, scaoilim leis an imní, an doicheall agus an eagla
a choinním grfeim daingean orthu uaireanta.
Deonaigh dom mo lámha agus mo chroí a oscailt chun glacadh go saor leis na tíolacthaí a bhfuil gá agam leo anois.

Comhfhios

A Thiarna, oscail mé chun do Bhriathar a chloisteáil agus a ghlacadh inniu. Go n-iompra sé go leor torthaí i mo shaol, agus i saol daoine eile.

Briathar Dé

⁵³Ar dhul trasna dóibh, bhuail siad talamh ag Geinéasaireit agus tháinig chun leaba ancaire. ⁵⁴Agus ar theacht as an mbád dóibh, dʼaithin na daoine é agus rith siad ar fud an cheantair sin ar fad, 55agus thosaigh siad ag breith na ndaoine a bhí tinn ar a gcuid sráideog chun na háite ar chuala siad é bheith. 56Agus cibé áit a dtéadh sé; sna bailte, sna cathracha, sna feirmeacha, chuiridís lucht tinnis ina luí sna háiteanna poiblí agus dhéanaidís achainí air go mbainfidís le scothóg a bhrait fiú amháin, agus a mbaineadh, shlánaítí iad.

Inspioráid

I go leor cuntas sna soiscéil, is léir gur imir creideamh aonair daoine ról suntasach i gcinneadh an mbeadh a dteagmhálacha le hÍosa torthúil nó nach mbeadh. Is dócha go mbeidh sé mar an gcéanna linne. B’fhéidir gurb é ‘A Thiarna, creidim, cuidigh le mo mhíchreideamh’ ár nglaoch faire inniu.

Comhrá

Suím go ciúin le mo Dhia a bhfuil aithne aige ar gach smaoineamh, ar gach riachtanas agus ar gach mian atá ionam, agus ligim dó aire a thabhairt dom sa nóiméad seo. Faighim pé cothú a theastaíonn uaim don turas.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan