Láthair Dé

Go raibh lúcháir agus áthas ar mo chroí
san tráth urnaí seo.
Meabhraigh go minic dom, a Dhia liom
na beannachtaí a bhronn tú orm.

Saoirse

A Thiarna, chruthaigh tú mé le maireachtáil i saoirse. Go dtreoraí do Spiorad Naomh mé chun tú a leanúint go toilteanach. Spreag fonn i mo chroí aithne agus grá a chur ort níos mó gach lá.

Comhfhios

Cuidigh liom, a Thiarna, a bheith feasach ar do láithreacht.
Múin dom do láithreacht i ndaoine eile a aithint.
Líon mo chroí le buíochas as na hamanna a taispeánadh Do Grá dom trí chúram daoine eile.

Briathar Dé

⁹ Labhair sé an parabal seo freisin chun daoine áirithe a bhí teann astu féin bheith fíréanta, agus gur bheag orthu cách eile: ¹⁰ “Chuaigh beirt fhear suas don Teampall ag guí; Fairisíneach duine acu agus poibleacánach an duine eile. ¹¹ Rinne an Fairisíneach, agus é go ceannard, guí mar seo leis féin: ‘A Dhia, tugaim a bhuíochas duit nach bhfuilim ar nós cách eile, atá ina sladaithe, ina lucht éagóra, ina n-adhaltranaigh, ná fiú amháin ar nós an phoibleacánaigh úd. ¹² Déanaim troscadh dhá uair sa tseachtain, íocaim na deachúna ar gach ní dá bhfaighim.’ ¹³ Ach sheas an poibleacánach i bhfad siar, agus níorbh áil leis fiú amháin a shúile a ardú chun na bhflaitheas, ach é ag bualadh a uchta, ag rá: ‘A Dhia, glac trua dom, an peacach.’ ¹⁴ Deirim libh, chuaigh sé seo síos abhaile fíréanaithe, ní ionann is é siúd. Óir gach aon duine a ardaíonn é féin, ísleofar é, agus an té a íslíonn é féin ardófar é.”

Inspioráid

Chuaigh beirt fhear suas go dtí an teampall le guí. Tháinig duine acu ar ais gan aon bhronntanas soiléir a bheith tugtha dó, ach d’fhill an duine eile ar a theach le mothú buíochais ina chroí. Má fuair an bheirt torthaí difriúla óna gcuairteanna, cén chaoi a raibh a gcur chuige difriúil? Conas is féidir leis an scéal an chaoi a ndéanaim féin cur chuige maidir le guí a athrú?

Comhrá

Ní choinníonn cairde rúin óna chéile.
Agus mé ag guí, an féidir liom féachaint ar Íosa mar chara liom
agus roinn mo smaointe is doimhne leis,
go muiníneach go dtuigeann Sé?

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan