Láthair Dé

‘Taispeánfaidh tú slí na beatha dom; tá lúcháir go fial i do láthair agus aoibhneas ar do dheasláimh go brách.’
(Salm 16). A Thiarna, cuidigh liom maireachtáil i do láthair inniu.

Saoirse

“Táim saor.”
Nuair a fheicim na focail seo scríofa,
is amhail go spreagann siad iontas ionam.
Sea, mothú iontach na saoirse.
Go raibh maith agat, a Dhia.

Comhfhios

Is é a bheith feasach ar rud éigin ná a bheith ar an eolas faoi. A Thiarna, cabhraigh liom cuimhneamh gur thug Tú mo bheatha dom. Go raibh maith agat as bronntanas na beatha. Múin dom moilliú a dhéanamh, a bheith suaimhneach agus taitneamh a bhaint as na pléisiúir a cruthaíodh dom, a bheith feasach ar an áilleacht atá thart timpeall orm: iontas na sléibhte, suaimhneas locha, leochaileacht peitil bláthanna. Ní mór dom a mheabhrú go dtagann na rudaí seo go léir uait.

Briathar Dé

^{43Tar éis an dá lá d’fhág sé an áit sin agus d’imigh don Ghailíl. 44 Óir Íosa féin go deimhin a thug fianaise nach bhfaigheann fáidh onóir ina dhúiche féin. 45Ach ar theacht don Ghailíl dó dá bhrí sin ghlac muintir na Gailíle é de bhrí go bhfaca siad na nithe go léir a rinne sé in Iarúsailéim lá na féile mar chuaigh siad féin ar an bhféile chomh maith.}

^{46Chuaigh sé arís dá réir sin go Cána na Gailíle mar a ndearna sé fíon den uisce. Bhí oifigeach ríoga ann a raibh a mhac tinn i gCafarnáum. 47Ar a chloisteáil dó go raibh Íosa tar éis teacht ó Iúdáia go dtí an Ghailíl, chuaigh an fear seo ag triall air agus d’iarr air teacht anuas agus a mhac a leigheas mar bhí sé le hucht báis. 48Dúirt Íosa leis: “Mura mbíonn} comharthaí agus iontais le feiceáil agaibh ní chreidfidh sibh ar aon chor.” ^{49Dúirt an t-oifigeach ríoga leis:} “Tar anuas, a dhuine uasail, sula bhfaighidh mo mhac beag bás.” ⁵⁰Dúirt Íosa leis: “Imigh leat, tá do mhac beo.”Chreid an duine an focal a dúirt Íosa leis agus d’imigh. ⁵¹Ina bhóthar síos dó casadh a sheirbhísigh air agus d’inis siad dó go raibh a mhac beo. ⁵²D’fhiafraigh sé díobh ansin cén uair a tháinig biseach air. Dúirt siad leis: “Ar an seachtú huair inné d’fhág an fiabhras é.” 53 Thuig an t-athair ansin gur ar an uair sin féin a dúirt Íosa leis: “Tá do mhac beo,” agus chreid sé féin agus a theaghlach ar fad. ^{54 Is í seo an dara míorúilt eile a rinne Íosa nuair a tháinig sé ó Iúdáia don Ghailíl.}

Inspioráid

Inniu déanaimis machnamh ar chreidimh simplí iad siúd a thaining chuig Íosa ar tóir chomhairle nó leigheas miorúltach in am an ghátair. Uaireanta is deacair samhlú go bhfuil oiread creidimh agus a léiríonn siad ag na daoine seo. Sa chás seo, oifigeach de chuid an rí a thagann chuig Íosa, agus ní léiríonn sé amhras faoi cad atá beartaithe ag Íosa ná a chumas an bheart a chur i gcrích. A Thiarna, nuair a thagaim chughat go raibh an mhuinín chéanna agam.

Comhrá

A Íosa, labhraíonn tú liom trí bhriathra na Soiscéal.
Go bhfreagraí mé do ghlaoch inniu.
Múin dom do láimh a aithint ag obair i mo shaol laethúil.

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan