Láthair Dé

Meabhraím dom féin, agus mé i mo shuí anseo anois,
go bhfuil Dia ag amharc orm le grá agus ag caomhnú mo bheith
Déanaim stad ar feadh nóiméad agus machnaím ar seo.

Saoirse

Tá an cumas ag gach rud grá agus saol níos iomláine a spreagadh ionam.
Ach is minic a bhíonn mo mhianta gafa le seachmaill sásaimh.
Iarraim ort, a Dhia, trí mo shaoirse, mo mhianta a stiúradh
i séis beoga, grámhar, lán de chomhcheoil, ag comhlíonadh Do thola tríomsa.

Comhfhios

Cá mothaím dóchas, spreagadh agus réimsí fáis i mo shaol? Trí bhreathnú siar le cúpla mí anuas, b’fhéidir go bhfeicfidh mé cé na gníomhaíochtaí agus na hócáidí a chruthaigh torthaí saibhre. Má thugaim réimsí dá leithéid faoi deara, cinnfidh mé am agus spás a thabhairt do na réímsí sin amach anseo.

Briathar Dé

¹⁶Amen, Amen, a deirim libh, níl aon seirbhíseach níos mó ná a mháistir, ná níl aspal níos mó ná an té a chuir uaidh é. ¹⁷Má tá a fhíos agaibh na nithe sín, is méanar daoibh má dhéanann sibh iad. ¹⁸“Nílim ag labhairt oraibh go léir, óir aithním na daoine a thogh mé, ach chun go gcomhlíonfaí an scrioptúr: ‘An té a d’ith arán liom, d’ardaigh sé a sháil i mo choinne.’ ¹⁹Táim á insint sin daoibh anois, roimh ré, sula dtarlaíonn sé, i dtreo, nuair a tharlaíonn sé, go gcreidfidh sibh gur mise é. ^{, 20}Amen, Amen, a deirim libh, an té a ghlacann aon duine a chuirfidh mise uaim, is mise a ghlacann sé; agus an té a ghlacann mise, glacann sé an té a chuir uaidh mé.”

Inspioráid

Leanann an sliocht seo níochán chosa a dheisceabal. Is suntasach gur chuir Eoin níochán na gcosa in ionad bhunú na hEocairiste ag an Suipéar Deireanach. Bhí Íosa ag iarraidh ar a lucht leanúna an ceacht seo a mheabhrú mar chuid lárnach dá theagasc, agus cuireann Eoin i láthair é é ag béile sollúnta an Tiarna, agus é ag fágáil slán.

Tá gairm chun freastail ag lucht leanúna Íosa. Is é féin an tsamhail seirbhíse. Smaoinigh ar cad is brí le bheith i do leantóir ag Íosa. An ndéanaim talamh slán uaireanta de mo chaidreamh leis?

Comhrá

Cad iad na mothúcháin, ceisteanna, amhrais nó inspioráidí a chorraíonn Soiscéal an lae inniu ionam? An féidir liom gach rud atá á mhothú agus á mhachnamh agam a thabhairt chuig Íosa, agus fios sólásach agam go bhfuil sé anseo liom i ndáiríre?

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan