Láthair Dé

leAg am ar bith den lá nó den oíche, is féidir linn glaoch ar Íosa.
Tá sé ag fanacht i gcónaí, ag éisteacht dár nglaoch.
Nach iontach an bheannacht sin?
Níl gá le fón, ná r-phoist, níl gá ach cogar.

Saoirse

A Thiarna, guím tíolacadh na saoirse uait.
Go dtuga do Spiorad Naomh
treoir dóibh siúd atá i gcumhacht saothrú ar son an fíor-chóir do’d phobal ar fad.

Comhfhios

Tá dúil ag m’anam a bheith i do láthair, a Thiarna. Nuair a iompraím mo smaointe chugat, faighim síocháin agus sásamh.

Briathar Dé

²⁷Fágaim síocháin agaibh; tugaim mo shíocháin daoibh. Ní thugaim daoibh í mar a thugann an saol í. Ná bíodh bhur gcroí buartha agus ná bíodh eagla air. ²⁸Chuala sibh mé á rá libh: ‘Táim ag imeacht uaibh, agus tiocfaidh mé ar ais chugaibh.’ Dá mbeadh grá agaibh dom, bheadh áthas oraibh, óir táim ag dul go dtí an tAthair, mar is mó an tAthair ná mise. ²⁹Agus anois, tá sé inste agam daoibh, sula dtiocfaidh sé chun críche, ionas, nuair a thiocfaidh sé chun críche, go gcreidfidh sibh. ³⁰Ní labhróidh mé mórán eile libh, mar tá prionsa an tsaoil seo ag teacht agus níl neart ar bith aige ormsa, ³¹Ach caithfidh an saol a aithint go bhfuil grá agam don Athair, agus go ndéanaim de réir mar a d’ordaigh an tAthair dom. Éirígí, agus téimis as seo.

Inspioráid

Is í an tsíocháin a gheallann Críost dúinn ná síocháin inmheánach a thugann comhchuibheas don saol. Is é ár n-urnaí inniu go mbeimid ag tabhairt an tsíocháin sin dóibh siúd a mbuailimid leo inniu agus, nuair a thabharfar í, go bhfillfidh sí chun comhchuibheas inmheánach a thabhairt dúinn chomh maith.

Comhrá

“Fan agus bí ag faire liom.”
B’iad seo do bhriathra, a Thiarna, leis na deisceabail,
roimh d’fhulaingt agus do bhás.
Tá a fhios agam, a Thiarna, go bhfanfaidh tú agus go bhféachfaidh tú orm
gach lá de mo shaol.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan