Láthair Dé

Stopaim ar feadh nóiméad agus smaoiním ar an ngrá
agus an grásta a thaispeánann Dia dom:
Cruthaíodh in íomhá agus ar chosúlacht Dé mé;
Is mise áit chónaithe Dé.

Saoirse

A Thiarna Dia, gabhaim buíochas leat as bronntanas na saoirse.
Cuidigh liom an bronntanas seo a úsáid le hionracas.
Tá mé saor chun roghanna a dhéanamh.
Cuidigh liom tú a leanúint,
maireachtáil ar bhealach Críostaí trí aire a thabhairt do dhaoine eile.
Cuir i gcuimhne dom machnamh a dhéanamh i gcónaí ar na daoine atá níos measa as ná mé,
an duine faoi chois, an príosúnach, iad siúd nach bhfuil saor chun adhradh go poiblí.
Treoraigh mé i gcónaí chun do thoil naofa a lorg i ngach imeacht de mo shaol.

Comhfhios

Uaireanta éirímé faoi léigear ag cúramaí an tsaoil seo.
Ag amanna mar seo, go raibh mé ar an eolas faoi
chompord do Láithreacht,
Do ghrá gan teorainn dom.

Briathar Dé

¹⁸“Má thugann an saol fuath daoibh, bíodh a fhios agaibh gur thug sé fuath domsa romhaibh. ¹⁹Dá mba den saol sibh bheadh cion ag an saol ar a chuid féin. Ach de bhrí nach den saol sibh ach go ndearna mise sibh a thoghadh as an saol, uime sin atá fuath ag an saol daoibh.²⁰Cuimhnígí ar an bhfocal a dúirt mé libh: ‘Níl aon seirbhíseach níos mó ná a mháistir. Má rinne siad géarleanúint ormsa, déanfaidh siad géarleanúint oraibhse chomh maith. Má choinnigh siad mo bhriatharsa, coinneoidh siad bhur mbriatharsa chomh maith. ²¹Ach déanfaidh siad na nithe seo go léir libh, ar son m’ainmse, mar nach raibh aithne acu ar an té a chuir uaidh mé.

Inspioráid

Uaireanta feicimid méid bróin Íosa nuair a chiallaíonn teorainneacha ár staid daonna nach bhfuil aithne againn ar a Athair agus ar a ghrá gan teorainn dúinn chomh maith agus a d’fhéadfaimis. Bhí na chéad Chríostaithe thar a bheith cróga agus dícheallach agus iad ag fógairt a gcreidimh dóibh siúd timpeall orthu. Iarraimid go dtabharfaí dúinn cuid dá gcrógacht agus dá ndílseacht freisin.

Comhrá

A Íosa, labhraíonn tú liom trí bhriathra na Soiscéal.
Go bhfreagraí mé do ghlaoch inniu.
Múin dom do láimh a aithint ag obair i mo shaol laethúil.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan