Láthair Dé

A Thiarna, cuidigh liom aird iomlán a thabhair tar do láithreacht naofa. Clúdaigh mé i do ghrá. Deonaigh mo chroí a bheith aontaithe le do chroí.

Saoirse

A Thiarna, chruthaigh tú mé le bheith beo i saoirse.
Déanaim talamh slán den mbronntanas seo go hiondúil.
Spreag mé le maireachtáil sa tsaoirse a bhí beartaithe agat,
le croí saor ó bhuairt agus le muinín iomlán asat.

Comhfhios

Fiafraím conas atáim ionam féin inniu.
An bhfuil mé thar a bheith tuirseach, faoi strus, nó as foirm?
Má bhaineann aon cheann de na tréithe seo liom,
an féidir liom triail a bhaint as scaoileadh leis na hábhair imní a chuireann isteach orm?

Briathar Dé

⁵“Táim ag imeacht anois, go dtí an té a chuir uaidh mé, agus ní fhiafraíonn aon duine agaibh díom, ‘Cá bhfuil tú ag dul? ⁶Ach de bhrí gur dhúirt mé an méid sin libh, líon bhur gcroí de bhrón.⁷Insím an fhírinne daoibh, áfach: is é bhur leas mise a imeacht, mar mura n‑imeoidh mé, ní thiocfaidh an tAbhcóide chugaibh; ach má imím, cuirfidh mé chugaibh é. ⁸Agus nuair a thiocfaidh sé, áiteoidh sé ar an saol go bhfuil an éagóir aige i dtaobh an pheaca, agus i dtaobh an chirt, agus i dtaobh an bhreithiúnais. ⁹I dtaobh an pheaca, de bhrí nár chreid siad ionam; ¹⁰i dtaobh an chirt, de bhrí go bhfuilim ag triall ar an Athair; ¹¹i dtaobh an bhreithiúnais, de bhrí go bhfuíl daorbhreith tugtha cheana féin ar phrionsa an tsaoil seo.

Inspioráid

Dúirt Íosa lena dheisceabail gurbh é a leas féin é imeacht, mar mura ndéanfadh sé amhlaidh, ní chuirfí an Spiorad Naomh chucu. Ós rud é go mbíonn sé deacair i gcónaí imeacht cairde a sheasamh, caithfidh gur dheacair do na chéad Chríostaithe é sin a chloisteáil, agus níos deacra fós dóibh é a thuiscint. Is féidir cabhrú linn cuimhneamh go bhfuil Íosa linn i gcónaí, fiú más ar bhealach nua atá sé, agus go gcoinneoidh a láithreacht leanúnach sinn ar snámh.

Comhrá

A Thiarna, cuidigh liom teagmháil a dhéanamh leat. Ní bhíonn a fhios agam i gcónaí conas, ach ba mhaith liom do ghrá a fháil agus osclaím mo lámha agus mo chroí duit. Tar chugam inniu le do thoil.

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan