Láthair Dé

Is deas i gcónaí a bheith i láthair cairde. Is tusa, a Thiarna, mo chara is gaire agus is fíre. Nár dhéana mé dearmad choíche ar an gcara atá agam ionat.

Saoirse

A Thiarna thug tú beatha dom agus bronntanas na saoirse.
Trí do Ghrá táim sa saol seo.
Nár déana mé talamh slán de bronntanas na beatha riamh.
Go raibh meas agam i gcónaí ar cheart na beatha atá ag daoine eile.

Comhfhios

Is oilithrigh sinn go léir ar thuras chugatsa, a Thiarna.
Go ndéanaimis machnamh ar do chuid ama ar domhan,
agus, le do chabhair, go leanaimis do choiscéimeanna.

Briathar Dé

⁷ “Nuair a bhíonn sibh ag guí, ná carnaigí suas frásaí folamha mar a dhéanann na págánaigh, óir ceapann siad go n-éistfear leo de bharr a líon focal. ⁸ Ná bígí cosúil leo, óir tá a fhios ag bhur nAthair cad atá de dhíth oraibh sula n-iarrann sibh air.

⁹ “Guígí, mar sin, ar an mbealach seo:

Ár nAthair atá ar neamh, go naofar d’ainm.

¹⁰ Go dtaga do ríocht. Go ndéanfaí do thoil ar talamh mar atá ar neamh. ¹¹ Tabhair dúinn inniu ár n-arán laethúil.^{, 12} Agus maith dúinn ár bhfiacha, mar a mhaitheamar dár bhféichiúnaithe féin ¹³ Agus ná tabhair sinn chuig am na trialach, ach saor sinn ón olc.^,

¹⁴ “Óir má mhaithfidh sibh a gcionta do dhaoine eile, maithfidh bhur nAthair neamhaí daoibhse freisin, ¹⁵ ach mura maithfidh tú do dhaoine eile, agus ní mhaithfidh bhur nAthair bhur gcionta ach an oiread.

Inspioráid

Bhí bua iontach ag léachtóir diagachta a bheith soiléir agus thar a bheith gearr. Maireann a chuid ranganna caoga nóiméad go díreach, agus ní raibh aon bhileog a tháirg sé níos faide ná leathanach amháin riamh. B’fhéidir gur ar iasacht ó sheanmóir ár dTiarna i dtéacs an lae inniu a fuair sé cuid dá stíl. Insíonn Íosa dúinn go bhfuil a fhios ag Dia cibé rud a cheapann muid a theastaíonn uainn sula n-iarrann muid fiú é. Ní chun leasa Dé go príomha atá paidir an achainí, ach chun ár leasa féin, mar sin guímid go mbeidh muinín agus creideamh againn go bhfaighfimid ar an mbealach is fearr is féidir.

Comhrá

Tháinig Dia chun beatha a thabhairt, i bhFeoil agus i mBriathar araon. Cén focal saoil a fuair mé inniu? Nó mura ndeachaigh rud ar bith i bhfeidhm orm, an féidir liom láithreacht beathaithe Íosa a mhothú liom faoi láthair?

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan