Láthair Dé

Is éard atá i gceist le bheith i láthair ná teacht mar atá duine agus bheith oscailte don eile.
Ag an bpointe seo, agus mé ag teacht anseo, tá Dia i láthair ag fanacht liom.
Bíonn Dia romham i gcónaí, ag iarraidh ceangal a dhéanamh liom
níos mó fiú ná an cara is dlúithe agam.
Glacaim nóiméad agus beannaím do mo Dhia grámhar.

Saoirse

“Fág saor anseo mé go h-iomlán im’ aonar, i gcill nár las solas na gréine riamh. Mura labhrann éinne liom riamh, fágann an ciúnas órga seo mé saor.” Cuid de dhán a scríobh príosúnach ag campa géibhinn Dachau.

Comhfhios

A Thiarna, oscail mé chun do Bhriathar a chloisteáil agus a ghlacadh inniu. Go n-iompra sé go leor torthaí i mo shaol, agus i saol daoine eile.

Briathar Dé

³² Ag dul amach dóibh sin, tugadh duine balbh chuige a raibh deamhan ann. ³³ Agus nuair a bhí an deamhan caite amach as, tháinig a chaint don duine balbh, agus rinne na sluaite ionadh de agus dúirt siad: “Ní fhacthas a leithéid seo in Iosrael riamh.” ³⁴ Is é a dúirt na Fairisínigh, áfach: “Trí phrionsa na ndeamhan a chaitheann sé amach na deamhain.”

³⁵ Ghabh Íosa ar fud na gcathracha agus na mbailte go léir, ag teagasc ina sionagóga agus ag fógairt dea-scéil na ríochta, ag leigheas gach galar agus gach éagruas. ³⁶ Agus nuair a chonaic sé na sluaite, ghlac sé trua dóibh, mar go raibh siad ina luí go tréith mar a bheadh caoirigh gan aoire. ³⁷ Ansin dúirt sé lena dheisceabail: “Tá an fómhar fairsing ach níl ann ach meitheal bheag.

Inspioráid

Bhí sé deacair ar na daoine a bhí gan chabhair agus ciapiathe a fhios a bheith acu cá háit le casadh. Bhí sé deacair aoirí maithe a aimsiú, ansin agus anois. Iarraimid cúnamh agus comhairle, a Thiarna, maidir leis an gcaoi is fearr le freagairt nuair a thagann daoine cráite chugainn.

Comhrá

A Íosa, labhraíonn tú liom trí bhriathra na Soiscéal.
Go bhfreagraí mé do ghlaoch inniu.
Múin dom do láimh a aithint ag obair i mo shaol laethúil.

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan