Láthair Dé

Stopaim ar feadh meandar
agus déanaim machnamh ar láithreacht Dé a thugann beatha.
i ngach cuid de mo cholainn, i ngach rud timpeall orm,
i mo shaol ar fad.

Saoirse

Buíochas leat, a Dhia, as mo shaoirse.
Go mbaine mé leas as an tabharthas seo chun gach is féidir liom a dhéanamh dóibh siúd atá faoi chois nó faoi ualach.

Comhfhios

A Thiarna, deonaigh gur mhian liom i gcónaí
am a chaitheamh i do láthair.
Ná déana mé dearmad ar do mhaitheas dom.
Treoraigh mé do chuid beannachtaí a roinnt le daoine eile.

Briathar Dé

²⁷ Labhair Peadar ansin agus dúirt sé leis: “Sinne, féach, d’fhágamar an uile ní agus leanamar thusa: cad a bheidh againn, más ea?” ²⁸ Dúirt Íosa leo: “Deirim libh go fírinneach, san athghiniúint, nuair a bheidh Mac an Duine ina shuí i ríchathaoir a ghlóire, beidh sibhse a bhí do mo leanúint in bhur suí freisin i dhá ríchathaoir déag ag tabhairt breithe ar dhá threibh déag Iosrael. ²⁹ Agus duine ar bith a d’fhág tithe nó deartháireacha nó deirfiúracha, nó athair nó máthair, nó bean, nó clann, nó tailte mar gheall ar m’ainm, gheobhaidh sé níos mó faoi chéad agus an bheatha shíoraí mar oidhreacht.

Inspioráid

Seo an cuireadh a lean Beinidict. Ainmníodh é mar phátrún na hEorpa mar gur chabhraigh ord síochánta a mhainistreacha leis an mór-roinn seo a athmhúnlú ó anord na Meánaoiseanna Dorcha, agus tamhnach suaimhnis a chruthú inar féidir sibhialtacht a athbheochan.

Bhí tionchar mór ag an ngealltanas seo ar stair an domhain, sna céadta míle duine maith a d’fhág gach rud a raibh luachmhar acu ar mhaithe le hÍosa, chun iad féin a thabhairt do dhaoine eile. Inniu, tugaimid onóir do Bheinidict, a threoraigh pobal ollmhór daoine den sórt sin agus, trína mhainistreacha, a shábháil sibhialtacht agus cultúr na hEorpa, arb é a phátrún é.

Comhrá

Tosaím ag caint le hÍosa faoin bpíosa scrioptúr atá díreach léite agam.
Cén chuid de a bhuaileann corda ionam?
B’fhéidir go n-ardóidh focail cara, nó scéal éigin a chuala mé le déanaí, nó taithí éigin,
go mall go barr mo .chomhfhiosacht
Más ea, an gcaitheann an chuimhne seo solas ar an rud atá an sliocht scrioptúr ag iarraidh a rá liom?

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan