Láthair Dé

A Dhia, tá tú níos gaire a chreidim, níos gaire ná m’anáil féin. Táim beannaithe ag do dhlúthchaidreamh liom agus ní gá go mbeadh eagla orm.

Saoirse

“Níl ach fíorbheagán duine
a thuigeann cad a dhéanfadh Dia astu
dá ngéillfeadh siad dá lámha chun go
múnlódh a ghrásta iad” (Naomh Iognáid)
Iarraim an grásta chun muinín iomlan a chuir i ngrá Dé.

Comhfhios

Nuair a fhillim ar mo thascanna laethúla,
cuir i gcuimhne dom, a Thiarna,
go bhfuil tú i gcónaí in aice liom.
Ní gá dom éadóchas a bheith orm riamh.

Briathar Dé

¹ Tharla ina dhiaidh sin gur thaistil sé cathracha agus bailte ag seanmóir agus ag fógairt dea-scéal ríocht Dé, agus an dáréag á thionlacan ² chomh maith le mná áirithe a bhí leigheasta ó dhrochspioraid agus ó éagruais: Máire ar a nglaotar an Mhaigdiléanach—a raibh seacht ndeamhain imithe aisti— ³ agus Ióanna bean Chúsa, maor Héaróid, agus Súsanna, agus mórán nárbh iad, a bhíodh ag freastal orthu as a maoin.

Inspioráid

Jesus seldom seems to minister to the people on his own. Does he like the company, or feel that some of those who walk with him may illustrate the points he hopes to make with greater force than mere words alone could accomplish? Let me walk by your side, Lord, to see if I, too, can play my part.

Comhrá

Uaireanta ní fheadar cad a déarfainn dá mbuailfinn leat go pearsanta, a Thiarna.
Sílim go mb’fhéidir go ndéarfainn “Go raibh maith agat, a Thiarna” as a bheith ann dom i gcónaí.
Tá a fhios agam go cinnte go raibh amanna ann nuair a d’iompair tú mé, a Thiarna,
nuair is trí do neart a d’éirigh liom teacht tríd na hamanna dorcha i mo shaol.

Conclúid

Gabhaim buíochas le Dia as bronntanas a ghrá
agus mé ag imeacht le lúcháir agus dóchas
chun freastal ar a mhuintir.

Áiméan