Láthair Dé

A Thiarna, nuair atáim uaigneach,
cuir do ghealltanas i gcuimhne dom,
“Níl tú riamh i d’aonar,
Tá mé leat i gcónaí,
Sea, go deireadh an ama.” (Matha 28:20)

Saoirse

“Táim saor.”
Nuair a fheicim na focail seo scríofa,
is amhail go spreagann siad iontas ionam.
Sea, mothú iontach na saoirse.
Go raibh maith agat, a Dhia.

Comhfhios

A Thiarna, a chara, trí am a chaitheamh in éineacht leat, go raibh mé níos cosúil leatsa, ionas go bhfeice daoine eile Críost ionam agus go gcuire siad aithne ar do ghrá.

Briathar Dé

¹⁹ Tháinig a mháthair agus a bhráithre ag triall air, ach níorbh fhéidir dóibh teagmháil leis mar gheall ar an slua. ²⁰ Insíodh dó: “Tá do mháthair agus do bhráithre ina seasamh amuigh agus b’áil leo thú a fheiceáil.” ²¹ D’fhreagair sé agus dúirt: “Is iad mo mháthair agus mo bhráithre, iad seo a chluineann briathar Dé agus a dhéanann dá réir.”

Inspioráid

Aon uair a thagann an sliocht seo aníos sa liotúirge, is é an freagra a bhíonn ag daoine áirithe ná go bhfuil Íosa sách dian ar a mháthair agus ar a theaghlach. Mar sin, cad a bhí i gceist agat leis, a Thiarna, agus cad atá le baint againn as? B’fhéidir gur chiallaigh tú, más mian linn tú a leanúint, gur cheart dúinn ár n-intinn a choinneáil dírithe agus gan ligean do na seachráin éagsúla sa domhan sinn a chur as ár riocht. Múin dúinn fanacht dírithe agus leanúint ar aghaidh.

Comhrá

A Íosa, labhraíonn tú liom trí bhriathra na Soiscéal.
Go bhfreagraí mé do ghlaoch inniu.
Múin dom do láimh a aithint ag obair i mo shaol laethúil.

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan