Láthair Dé

Is mian le m’anam do láthaireacht, a Thiarna. Nuair dhírím mo smaointe ortsa, faighim síocháin agus sásamh.

Saoirse

A Thiarna thug tú beatha dom agus bronntanas na saoirse.
Trí do Ghrá táim sa saol seo.
Nár déana mé talamh slán de bronntanas na beatha riamh.
Go raibh meas agam i gcónaí ar cheart na beatha atá ag daoine eile.

Comhfhios

A Thiarna, oscail mé chun do Bhriathar a chloisteáil agus a ghlacadh inniu. Go n-iompra sé go leor torthaí i mo shaol, agus i saol daoine eile.

Briathar Dé

¹⁵ Ach dúirt cuid acu, “Is trí Bhéalzebúl, prionsa na ndeamhan, a chaitheann sé na deamhain amach.” ¹⁶ Agus bhí cuid eile acu ag lorg comhartha ó na flaithis uaidh, á phromhadh. ¹⁷ Ach ó bhí fios a smaointe aige dúirt sé leo: “Gach ríocht a bhíonn ar deighilt ina haghaidh féin, bánaítear í, agus titeann a cuid tithe ar mhuin a chéile. ¹⁸ Agus má bhíonn Sátan freisin ar deighilt ina aghaidh féin, conas a sheasóidh a ríocht?—os á rá sibh gur trí Bhéalzabúl a chaithim amach na deamhain. ¹⁹ Ach más trí Bhéalzabúl a chaithimse na deamhain amach, cé tríd go gcaitheann bhur gclann féin amach iad? Uime sin, is iad sin a thabharfaidh breith oraibh. ²⁰ Ach más trí mhéir Dé a chaithim amach na deamhain, dá réir sin tá ríocht Dé tagtha chugaibh. ²¹ Nuair a bhíonn an fear láidir faoi arm is éide ag gardáil a chaisleáin, bíonn gach a bhfuil ina sheilbh sábhálta. ²² Ach nuair a thagann fear is treise ná é ina aghaidh agus go mbuann air, baineann de a ghléas troda as a raibh a mhuinín, agus déanann a chreach a roinnt. ²³ An té nach bhfuil liom tá sé i m’aghaidh, agus an té nach gcnuasaíonn liom, scaipeann.

²⁴ “Nuair a bhíonn an spiorad míghlan imithe amach as an duine, gabhann sé trí áiteanna tíortha ag lorg faoisimh, agus nuair nach bhfaigheann, deir: ‘Fillfidh mé chun mo thí as a dtáinig mé amach.’ ²⁵ Agus ar theacht dó, faigheann sé scuabtha, maisithe é. ²⁶ Imíonn sé ansin agus tugann leis seacht spioraid eile is measa ná é féin; téann siad isteach agus glacann siad áras ann, agus is measa dála an duine sin ar deireadh ná ar dtús.”

Inspioráid

Tugann The Screwtape Letters le CS Lewis comhairle do dheamhain óga faoi conas an oiread círéibe agus is féidir a chruthú ina réimsí oibre. Míníonn sé freisin má éiríonn linn ár dteach a ghlanadh ó na créatúir agus má cheapann muid go bhfuil deireadh curtha againn leo go deo, beidh siad ar ais arís an tseachtain seo chugainn, thart ar dhá oiread níos flúirseach ná riamh. Is maith an aire an fhógairt!

Comhrá

Samhlaím anois duine amháin de Phearsa na Tríonóide romham, an tAthair, an Mac nó an Spiorad Naomh, cibé duine is nádúrtha a thagann chuig mo shamhlaíocht, agus bíonn comhrá croí-le-croí agam faoina méid atá díreach léite agam nó faoina bhfuilim ag mothú agus ag dul tríd i mo shaol inniu.

Conclúid

Gabhaim buíochas le Dia as bronntanas a ghrá
agus mé ag imeacht le lúcháir agus dóchas
chun freastal ar a mhuintir.

Áiméan