Láthair Dé

A Thiarna, a Dhia, a Chruthaitheoir liom,
Bí gar dom anois.
Éilíonn m’anam do láithreacht.

Saoirse

“Níl ach fíorbheagán duine
a thuigeann cad a dhéanfadh Dia astu
dá ngéillfeadh siad dá lámha chun go
múnlódh a ghrásta iad” (Naomh Iognáid)
Iarraim an grásta chun muinín iomlan a chuir i ngrá Dé.

Comhfhios

A Thiarna, thug tú an oíche dom chun mo scíth a ligean i gcodladh.
I m’uaireanta dúiseachta ná déana mé dearmad ar do mhaitheas dom.
Treoraigh mé do chuid beannachtaí a roinnt le daoine eile.

Briathar Dé

²⁷ Agus le linn do bheith ag rá an méid sin, labhair bean go hard as lár an tslua agus dúirt sí leis: “Is méanar don bhroinn a rinne thú a iompar agus do na cíocha a dheoil tú!”²⁸ Ach dúirt sé: “Is mó is méanar dóibh seo a chluineann briathar Dé agus a choimeádann é.”

Inspioráid

Caithimis beagán ama inniu le Muire, máthair Dé, an té ba ghaire dó agus, mar a mheabhraigh Naomh Iognáid Loyola dúinn go rialta, is féidir léi agus déanfaidh sí idirghuí ar ár son níos éifeachtaí ná aon duine eile. Táimid i gcónaí ag impí ort le linn 'Paidreacha na gCreidmheach' le gach sórt achainí, agus ba mhaith linn go mbeadh a fhios agat cé chomh buíoch is atáimid as na rudaí maithe agus na torthaí iomadúla atá éascaithe agat.

Comhrá

Tosaím ag caint le hÍosa faoin bpíosa scrioptúr atá díreach léite agam.
Cén chuid de a bhuaileann corda ionam?
B’fhéidir go n-ardóidh focail cara, nó scéal éigin a chuala mé le déanaí, nó taithí éigin,
go mall go barr mo .chomhfhiosacht
Más ea, an gcaitheann an chuimhne seo solas ar an rud atá an sliocht scrioptúr ag iarraidh a rá liom?

Conclúid

Gabhaim buíochas le Dia as na cúpla nóiméad seo a chaitheamar le chéile agus as aon léargas a fuair mé maidir leis an téacs.

Áiméan