Láthair Dé

Meabhraím dom féin, agus mé i mo shuí anseo anois,
go bhfuil Dia ag amharc orm le grá agus ag caomhnú mo bheith
Déanaim stad ar feadh nóiméad agus machnaím ar seo.

Saoirse

A Thiarna, iarraim an grásta fios a bheith agam
gur cúis lúcháire é do thoil a dhéanamh
óir is é do thoil mo mhian is doimhne
agus is é an rud is fearr dom do mhian dom i gcónaí.

Comhfhios

Táim timpeallaithe ag do láithreacht grámhar, a Thiarna,
ach is eol dom mo leochaileacht agus mo laige.
Go raibh maith agat gur féidir liom aghaidh a thabhairt ar na heasnaimh atá agam
i do bharróg thrócaireach.

Briathar Dé

⁴⁹ “Chun tine a chaitheamh ar an talamh a tháinig mé, agus nach mór is áil liom go mbeadh sí ar lasadh cheana féin! ⁵⁰ Tá baisteadh lena gcaithfear mé a bhaisteadh, agus cad é mar chúngrach atá orm nó go mbeidh sé curtha i gcrích! ⁵¹ An é is dóigh libh gur chun síocháin a thabhairt ar an talamh a tháinig mé? Ní hea, deirim libh, ach easaontas. ⁵² Óir, as seo amach, beidh cúigear in aon teaghlach in easaontas le chéile, triúr le beirt agus beirt le triúr; ⁵³ beidh siad roinnte:

athair le mac agus mac le hathair, máthair le hiníon agus iníon le máthair; máthair chéile le bean a mic, agus bean mhic le máthair a céile.”

Inspioráid

Anseo feicimid aghaidh dhaonna Íosa. Mhínigh sé cén fáth a raibh strus air. D’fhéadfaí a cheapadh gur mhothaigh sé frustrachas mar gur chun tine a chaitheamh ar an talamh a tháinig sé, agus nach mór ab áil leis go mbeadh sí ar lasadh cheana féin!. B’fhéidir go raibh díomá air nár thuig a dheisceabail na parabail a thuar go gcuirfí chun báis é.

B’fhéidir gur cheap na deisceabail go dtabharfadh Íosa síocháin ar domhan. Mhínigh sé gur chuir a theagasc deighilt idir na daoine a chreid agus a raibh grá acu dó agus na daoine a bhí scartha agus a dhiúltaigh dó. B’fhéidir gur mhaith leat guí faoi cad atá tú ag súil leis ó Íosa.

Comhrá

Samhlaím anois duine amháin de Phearsa na Tríonóide romham, an tAthair, an Mac nó an Spiorad Naomh, cibé duine is nádúrtha a thagann chuig mo shamhlaíocht, agus bíonn comhrá croí-le-croí agam faoina méid atá díreach léite agam nó faoina bhfuilim ag mothú agus ag dul tríd i mo shaol inniu.

Conclúid

Lán le láithreacht ghrámhar Dé,
Iarraim air beannacht a thabhairt dom agus mo chéimeanna a threorú
agus mé ag dul chun a chuid oibre a dhéanamh i mo shaol laethúil.

Áiméan