Láthair Dé

A Thiarna, nuair atáim uaigneach,
cuir do ghealltanas i gcuimhne dom,
“Níl tú riamh i d’aonar,
Tá mé leat i gcónaí,
Sea, go deireadh an ama.” (Matha 28:20)

Saoirse

Dá mbeadh Dia ag iarraidh rud éigin a insint dom, an mbeadh a fhios agam?
Dá mbeadh Dia do mo chuir ar mo shuaimhneas nó ag tabhairt dúshlán dom, an dtabharfainn faoi deara?
Iarraim an grásta a bheith saor ó mo bhuairimh fhéin
agus oscailte don mhéid atá Dia á rá liom.

Comhfhios

Feasach ar do láthreacht, a Thiarna,
Breathnaím ar an am atá caite agam le déanaí.
Lig dom a bheith macánta liom féin faoi conas a bhí mé
agus cad atá déanta agam,
mar tá a fhios agam go bhfuil grá agat don fhírinne sa chroí
agus glacann tú liom díreach mar atáim.

Briathar Dé

⁵⁴ Dúirt sé leis na sluaite freisin, “Nuair a fheiceann sibh scamall ag éirí san iarthar, deir sibh láithreach, ‘Tá báisteach chugainn,’ agus is amhlaidh a bhíonn; ⁵⁵ agus nuair a shéideann sé aneas, deir sibh: ‘Beidh teas ann,’ agus bíonn. ⁵⁶ A bhréagchráifeacha, tá a fhios agaibh conas dreach na talún agus na spéire a léamh, ach cad a bheir daoibh gan an t-am seo i láthair a léamh?

⁵⁷ Cad chuige nach dtugann sibh breith, uaibh féin, faoin rud is cóir a dhéanamh? ⁵⁸ Mar sin, nuair a bhíonn tú ag imeacht le fear do chúisithe i láthair an phrionsa, déan do dhícheall, agus tú sa bhóthar, ar bheith réidh leis, le heagla go dtarraingeodh sé os comhair an bhreithimh tú agus go dtabharfadh an breitheamh ar láimh don sirriam tú agus go dteilgfeadh an sirriam i bpríosún tú. ⁵⁹ Deirim leat, ní thiocfaidh tú amach as sin nó go mbeidh an leathfheoirling dheireanach íoctha agat.

Inspioráid

Cháin Íosa na sluaite a raibh a fhios acu conas an aimsir a léamh ach nár thug faoi deara cad a bhí díreach os a gcomhair. Mhúin sé go raibh ríocht Dé tagtha. Chonaic na sluaite a lean é na comharthaí agus na míorúiltí a rinne sé. Thug sé bréagchráifeacha orthu mar bhí siad oscailte do shlite an tsaoil. Bhí an chiall acu a thuiscint gur fearr cás a shocrú sula rachadh sé chun na cúirte, ach bhí a n-intinn dúnta faoi rudaí spioradálta.

Comhrá

A Thiarna, tá a fhios agam nach bhfuil gá le focail nuair a chasaim chugat.
Is féidir leat féachaint isteach i mo chroí.
Aithníonn tú mo mhianta agus tá mo chuid riachtanas ar eolas agat.
Cuirim mé féin i do lámha.

Conclúid

Glóir don Athair, agus don Mhac, agus don Spiorad Naomh,
mar a bhí sé ar dtús,
atá anois agus a bheidh ann go deo,
domhan gan deireadh. Áiméan

Áiméan