Прысутнасць

У любы час дня і ночы мы можам паклікаць Езуса.
Ён заўсёды чакае нашага запрашэння.
Якое ж гэта благаслаўленне!
Не патрэбныя тэлефоны і электронныя паведамленні, толькі шэпт.

Свабода

Дзякуй, Пане, што маю свабоду.
Няхай жа я здолею выкарыстаць гэты дар, каб рабіць тое, што магу,
для прыгнечаных і абцяжараных людзей.

Усведамленне

Часам клопаты гэтага свету ахопліваюць мяне.
У такія хвіліны дазволь мне памятаць
пра раскошу Тваёй прысутнасці,
Тваёй бясконцай любові да мяне.

Божае слова

⁷Пасля паклікаў Дванаццаць, і пачаў высылаць іх па двое, і даў ім уладу над нячыстымі духамі. ⁸Наказаў ім не браць у дарогу нічога, акрамя аднаго кія: ні хлеба, ні торбы, ні медзі ў поясе, ⁹але абувацца ў сандалі і не апранаць дзвюх вопратак. ¹⁰Ён сказаў ім: «Калі дзе ўвойдзеце ў дом, заставайцеся там, пакуль не выйдзеце адтуль. ¹¹Калі ў якім-небудзь месцы не прымуць вас і не будуць слухаць вас, то, выходзячы адтуль, абтрасіце пыл з ног вашых на сведчанне ім». ¹²Пайшоўшы, яны прапаведавалі пакаянне, ¹³выганялі шмат злых духаў і шмат хворых намашчвалі алеем, і вылечвалі.

Разважанне да Божага слова

Апосталы і вучні Езуса праходзілі "курс навучання" і не ўсведамлялі гэтага. Езус ведаў, што яны будуць патрэбныя, калі Валадарства Айца пачне пашырацца. Сёння Бог просіць кожнага з нас быць Яго рукамі, нагамі і голасам, каб праз сведчанне хрысціянскага жыцця несці іншым пасланне Евангелля. Няхай жа мы не расчаруем Яго.

Езус абяцаў заўсёды быць з намі і дзейнічае праз нас дзеля агульнага дабра. Нашы ўчынкі дабрыні і нават усмешка могуць суцешыць і ацаліць тых, хто жыве ў нястачы.

Размова

Пане, Ты выразаў маё імя
на Сваіх далонях.
Нават калі іншыя мяне забываюць,
Ты не забудзеш ніколі.

Заканчэнне

Дзякую, Пане, за дар часу, праведзенага ў Тваёй прысутнасці і за ўсе Твае натхненні.

Амэн