Апостальства малітвы
Кожны месяц Папа давярае малітоўную інтэнцыю сваёй Сусветнай малітоўнай сеткі, Апостальству малітвы. Гэтыя інтэнцыі, якія выказваюць занепакоенасць Папы чалавецтвам і місіяй Касцёла, прадстаўлены разам з ранішняй і вячэрняй малітвай. Запрашаем далучыцца да многіх вернікаў па ўсім свеце і маліцца разам з Папам.
Інтэнцыя Папы на чэрвень 2024 г.
Молімся аб тым, каб мігранты, якія ўцякаюць ад войнаў ці ад голаду, вымушаныя вырушыць у дарогу, поўную небяспек і насілля, знайшлі гасціннасць і новыя магчымасці для жыцця ў краінах, якія іх прымаюць.
Ранішняя малітва
Хвалебны Ойча, уваскрасіўшы Хрыста, Твайго Сына, Ты перамог уладу смерці і адкрыў нам шлях да вечнага жыцця.
Няхай мая сённяшняя малітва адновіць маю любоў да Цябе і дапаможа ажыццявіць усе добрыя справы, якія чакаюць мяне.
Я ахвярую Табе сваё сэрца і ўсяго/ўсю сябе ў інтэнцыях Папы Францішка ў гэтым месяцы: каб мігранты, якія ўцякаюць ад войнаў ці ад голаду, вымушаныя вырушыць у дарогу, поўную небяспек і насілля, знайшлі гасціннасць і новыя магчымасці для жыцця ў краінах, якія іх прымаюць.
Ойча наш…
Вячэрняя малітва
Ойча, калі я рыхтуюся да сну сёння ўвечары, дай мне адчуць цеплыню Тваёй любові.
Супакой міласэрна мой боль – у целе, розуме і душы. Дай мне спакойны сон, каб заўтра ў мяне хапала сіл выконваць Тваю волю. Праз Хрыста, Пана нашага. Амэн.
Вітай, Марыя …