Запрашаем затрымацца на некалькі хвілін у “Прасторы малітвы”, каб пабыць з Богам – тут і цяпер, з дапамогай нашага сайта, дзе вы знойдзеце фрагмент Евангелля на кожны дзень, разважанні і суправаджэнне.
Пачніце малітву
Магчымасць зрабіць ахвяраванне на карысць праекта “Sacred Space”.
ДЛЯ РАЗВАЖАННЯ І МАЛІТВЫ НА ГЭТЫМ ТЫДНІ
Уважлівыя пошукі Божай волі
Хрысціянін жыве ў камуніі з Езусам і – праз Яго – з Трынітарным Богам. Быць у кантакце з многімі людзьмі, але страціць сувязь з Панам – быць задзейнічаным у высакародным апостальстве і адначасова быць адарваным ад боскіх “спраў” – гэта анафема. Каб трываць у вернасці евангельскаму бачанню, трэба не зводзіць вачэй з Пана, быць уважлівым да Яго волі і ўслухоўвацца ў Ягоны голас (Лк 10:42). Толькі з Езусам Хрыстом, у Ім і праз Яго можа прынесці плён апостальства, бо мы жывём у пастаяннай камуніі з Тым, хто кліча нас сведчыць у Яго імя.
Хрысціянін перш за ўсё з’яўляецца чалавекам малітвы. Без малітвы хрысціянскае жыццё лёгка ператвараецца ў звыклую мітусню, дзе патрэба чалавека ў павазе і любові саступае дзеянням, а занятасць становіцца адзнакай гонару, самамэтай. Разлука не заўжды ўзмацняе каханне. Як паказаў вопыт шматлікіх разбураных адносінаў, разлука можа справакаваць на пошук іншай асобы. Паралель з малітоўным жыццём відавочная і не патрабуе асаблівых тлумачэнняў.
Джон Скаллі, «Waiting in Joy».
Памятаем у гэты час...
Лістапад – асаблівы час, каб спыніцца, задумацца і ўспомніць дарагіх нам людзей, якія адыйшлі да Пана. Мы пачынаем месяц з Урачыстасці ўсіх святых 1 лістапада і Успаміну памерлых вернікаў 2 лістапада. Згадваючы тых, каго больш няма побач з намі, мы трымаемся веры, што жыццё змяняецца, а не заканчваецца, і што аднойчы мы зноў сустрэнемся з нашымі блізкімі ў Небе.
Прырода вакол нас змяняецца: ападае лісце, прыбіраецца апошні ўраджай і засяваецца новае насенне, – а мы атрымліваем напамін, што нават у часы страт ёсць надзея, новае жыццё і абяцанне аднаўлення. Няхай жа гэтая надзея жыве ў нашых сэрцах. Амэн!
“Sacred Space” – штодзённая малітва цягам 25 гадоў
Праект “Sacred Space” быў створаны ў 1999 годзе і з таго часу кожны дзень прапануе новы кантэнт. Вы можаце даведацца больш на старонцы “Пра нас”, або, калі вы часта бываеце тут, можаце падзяліцца сваёй гісторыяй “Прасторы малітвы” на старонцы Зваротная сувязь”. Да нашага 25-годдзя мы прадстаўляем гісторыі людзей, для якіх “Sacred Space” (“Прастора малітвы”) адыграла ў жыцці асаблівую ролю. Калі маеце жаданне, падзяліцеся сваёй гісторыяй “Прасторы малітвы”.
Зваротная сувязь “Прасторы малітвы”