Запрашаем затрымацца на некалькі хвілін у “Прасторы малітвы”, каб пабыць з Богам – тут і цяпер, з дапамогай нашага сайта, дзе вы знойдзеце фрагмент Евангелля на кожны дзень, разважанні і суправаджэнне.
Пачніце малітву
Магчымасць зрабіць ахвяраванне на карысць праекта “Sacred Space”.
ДЛЯ РАЗВАЖАННЯ І МАЛІТВЫ НА ГЭТЫМ ТЫДНІ
Пошук незвычайнага ў звычайным
Аналагічна таму, як не ўсведамляем паветра, мы не заўважаем Божай прысутнасці вакол сябе. Шлях веры – гэта дар любячага Бога, які робіць першы крок і цярпліва, ціха, амаль сарамліва чакае адказу чалавека.
Жыццё – гэта пакліканне, заклік шукаць гэтага сціплага Бога.
Гэты ціхі Бог не прыйшоў у свет са званамі і громам. Калі я быў маленькім хлопчыкам, я шукаў Бога, гледзячы ўгору – спрабаваў знайсці Яго праз нейкую шчыліну ў небе. Сёння, калі я шукаю Бога, я гляджу ўніз, а не ўверх, таму што знаходжу Бога ў дробязях. Як сказаў Папа Францішак, мы знаходзім незвычайнае ў звычайным.
Найвялікшая радасць прыходзіць ад добрых адносін, найвялікшы смутак і пакуты прыходзяць не ад страты працы ці маёмасці, а ад разбураных і здраджаных адносін. Усе адносіны любові свае карані маюць у любові, якую гэты сціплы Бог мае да ўсіх нас.
John Scally, Waiting in Joy
Памятаем у гэты час...
Узгадаем тых, хто сутыкнуўся з дыягназам хваробы Альцгеймера, дэменцыі, а таксама тых, хто ідзе побач з імі. Для саміх хворых, родных і сяброў гэта крок на невядомую тэрыторыю, складаны і нявызначаны шлях у будучыню.
Пане, дай Свой супакой і сілу тым, каму паставілі дыягназ, і ўсім, хто ідзе побач з імі. Нагадай нам, што Ты ніколі не пакінеш нас і не забудзеш.
“Я не забуду пра цябе. Вось, Я выразаў цябе на сваіх далонях.” Іс 49, 15-16
Нам не наканавана ісці гэтым шляхам у адзіноце. Дай нам прастору і мужнасць працягваць размаўляць, слухаць і падтрымліваць адзін аднаго. Амэн!
“Sacred Space” – штодзённая малітва цягам 25 гадоў
Праект “Sacred Space” быў створаны ў 1999 годзе і з таго часу кожны дзень прапануе новы кантэнт. Вы можаце даведацца больш на старонцы “Пра нас”, або, калі вы часта бываеце тут, можаце падзяліцца сваёй гісторыяй “Прасторы малітвы” на старонцы Зваротная сувязь”. Да нашага 25-годдзя мы прадстаўляем гісторыі людзей, для якіх “Sacred Space” (“Прастора малітвы”) адыграла ў жыцці асаблівую ролю. Калі маеце жаданне, падзяліцеся сваёй гісторыяй “Прасторы малітвы”.
Зваротная сувязь “Прасторы малітвы”