Запрашаем затрымацца на некалькі хвілін у “Прасторы малітвы”, каб пабыць з Богам – тут і цяпер, з дапамогай нашага сайта, дзе вы знойдзеце фрагмент Евангелля на кожны дзень, разважанні і суправаджэнне.
Пачніце малітву
Магчымасць зрабіць ахвяраванне на карысць праекта “Sacred Space”.
ДЛЯ РАЗВАЖАННЯ І МАЛІТВЫ НА ГЭТЫМ ТЫДНІ
“Што я магу зрабіць?”
Разам з агульным метадам рахунку сумлення святы Ігнацый выкарыстоўваў і “частковы рахунак”, як ён яго называў. У гэтым апошнім ён быў падобны, так бы мовіць, на сур’ёзнага паводзінавага псіхатэрапеўта. Святы Ігнацый задаваў сабе пытанне: “Якую перамену ў сваім жыцці я бачу?” – і залічваў гэтую перамену да дабра ці зла, у залежнасці ад мэты, якую ставіў перад сабой і над якой працаваў. На працягу тыдняў, двойчы на дзень, ён пазначаў на спецыяльным аркушы паперы, як ён прытрымліваецца свайго рашэння, і меў магчымасць назіраць, як рухалася справа са зменай сваіх паводзінаў. Такія пытанні і штодзённыя планы мы звычайна называем “добрымі пастановамі”. Для нас яны маглі б гучаць так: прыбіраць штовечар пісьмовы стол; не прымушаць людзей, якія прыйшлі з важнымі пытаннямі, чакаць адказу; штодзённа вызначаць час на малітву; за вячэрай распытвацца дзяцей пра іх справы; замест уніклівых невыразных адказаў выбіраць просталінейны адкрыты спосаб выказвання.
Пастановы маглі датычыцца як знешніх паводзінаў, так і ўнутраных рэчаў: выконваць якую-небудзь працу з большай засяроджанасцю. Многія прыведзеныя прыклады могуць выглядаць дробнымі, і ўсё ж адказ, які даў мудры стары летуценнаму юнаку-ідэалісту на пытанне, што ён можа зрабіць для супакою ва ўсім свеце, варты таго, каб прыслухацца: “Ты мог бы пачаць з таго, што станеш зачыняць дзверы за сабой крышачку цішэй”.
Некаторыя навуковыя даследванні сведчаць аб тым, што тыя, хто вызначыў свае мэты і сродкі і запісаў іх, цешацца нашмат большым прафесійным поспехам і зарабляюць больш, чым людзі, якія трымаюць свае планы выключна ў сваіх галовах. Верагодна, ёсць несумненная перавага ў запісванні сваіх праектаў: перавага яснасці. Але разам з тым можна заўважыць яшчэ адзін плюс: чалавек іх памятае. Азіяцкая прымаўка кажа: бляклае чарніла мацней, чым найлепшая памяць.
Віллі Ламберт SJ, The Sacred Heart Messenger
Памятаем у гэты час...
Кожнае жыццё мае значэнне. У гэтым месяцы мы ўспамінаем у малітве тых, хто адчувае, што ў іх няма іншага выбару, акрамя як пакласці канец усяму. Святы Духу, дай нам лёгкі штуршок, калі хтосьці побач з намі змагаецца з цемрай, і дай нам мудрасць ведаць, што сказаць, калі сказаць, а калі проста быць прысутным. Дапамажы нам заўважаць, слухаць без асуджэння і даваць дабрыню, спачуванне і надзею.
Тым, хто думае пра самагубства, Пане, дай прычыну жыць. Пакажы ім, што іх жыццё мае каштоўнасць, што іх любяць, і што іх гісторыя не скончана. Спашлі ім надзею на жыццё, якое яшчэ трэба пражыць, і дай побач з імі патрэбных людзей у самыя цяжкія хвіліны. Амэн!
“Sacred Space” – штодзённая малітва цягам 25 гадоў
Праект “Sacred Space” быў створаны ў 1999 годзе і з таго часу кожны дзень прапануе новы кантэнт. Вы можаце даведацца больш на старонцы “Пра нас”, або, калі вы часта бываеце тут, можаце падзяліцца сваёй гісторыяй “Прасторы малітвы” на старонцы Зваротная сувязь”. Да нашага 25-годдзя мы прадстаўляем гісторыі людзей, для якіх “Sacred Space” (“Прастора малітвы”) адыграла ў жыцці асаблівую ролю. Калі маеце жаданне, падзяліцеся сваёй гісторыяй “Прасторы малітвы”.
Зваротная сувязь “Прасторы малітвы”