2025-05-12

Памолімся за новаабранага Папу Льва XIV, каб яго кіраванне як Намесніка Хрыста было адзначана пакорным служэннем Божаму народу, як гэта выдатна падкрэслівае адзін з яго папскіх тытулаў: Слуга Слуг Божых.

Мы паўтараем яго шчыры заклік да міру, з перакананнем падхопліваючы яго заклік: «Ніколі больш вайны!»

Папа Леў абраў сваім дэвізам выраз, глыбока ўкаранёны ў аўгустынскай традыцыі: «У Ім адзіным мы адзіныя».

Гэтае моцнае сцвярджэнне паходзіць з разважанняў святога Аўгустына над псальмам 127:

“Хрыстус – галава і цела – адзін чалавек. А што такое цела Хрыстова? Ягоны Касцёл. Хоць нас, хрысціян, шмат, у адзіным Хрысце мы з’яўляемся адзіным цэлым. Нас шмат – і мы адно, бо мы злучаныя з Ім, і калі нашая Галава ў нябёсах, то і члены пойдуць следам”.

Мы пакліканы жыць як адно цела ў Хрысце. Няхай нашыя штодзённыя ўчынкі спрыяюць гэтаму боскаму адзінству.