Лк 20:27-40

²⁷Тады падышлі некаторыя з садукеяў, якія казалі, што няма ўваскрашэння, і спыталіся ў Яго: ²⁸«Настаўнік, Майсей напісаў нам, што калі ў некага памрэ брат, які меў жонку, і памрэ бяздзетны, то брат ягоны павінен узяць ягоную жонку і абудзіць патомства свайму брату. ²⁹Было ж сем братоў. Першы, узяўшы жонку, памёр бяздзетны. ³⁰Потым другі, ³¹і трэці ўзяў яе, таксама і ўсе сямёра, не пакінуўшы дзяцей, памерлі. ³²Урэшце, памерла і жонка. ³³Дык вось, пасля ўваскрашэння, катораму з іх яна будзе жонкаю? Бо ў семярых яна была жонкаю».

³⁴Езус сказаў ім: «Дзеці гэтага веку жэняцца і выходзяць замуж. ³⁵А тыя, хто будзе годны таго веку і ўваскрашэння з мёртвых, не будуць ні жаніцца, ні выходзіць замуж; ³⁶і памерці ўжо не змогуць, бо яны роўныя анёлам і з’яўляюцца сынамі Божымі, будучы сынамі ўваскрашэння. ³⁷А што мёртвыя ўваскрэснуць, і Майсей засведчыў, кажучы пра палаючы куст, калі назваў Пана Богам Абрагама, Богам Ісаака і Богам Якуба. ³⁸Бог жа не ёсць Богам мёртвых, але жывых, бо ўсе для Яго жывуць». ³⁹На гэта сказалі некаторыя з кніжнікаў: «Настаўнік, Ты добра сказаў». ⁴⁰І ўжо ні пра што не адважваліся распытваць Яго.

“Copyright © 2021 National Council of Churches of Christ in the United States of America. Used by permission. All rights reserved worldwide.”