Мк 11:11-26

¹¹Езус увайшоў у Ерузалем, у святыню і, агледзеўшы ўсё, адышоў з Дванаццаццю ў Бэтанію, таму што было ўжо позна.

¹²Назаўтра, калі яны выйшлі з Бэтаніі, Ён адчуў голад. ¹³Убачыўшы здалёк смакоўніцу, пакрытую лісцем, падышоў, спадзеючыся знайсці што-небудзь на ёй. Але, падышоўшы да яе, не знайшоў нічога, апроч лісця, бо яшчэ не настала пара на смоквы. ¹⁴Тады Езус сказаў ёй: «Няхай ніхто ніколі не есць з цябе плоду». І Ягоныя вучні чулі гэта.

¹⁵Потым прыйшлі ў Ерузалем. Увайшоўшы ў святыню, Ён пачаў выганяць тых, хто гандляваў і купляў у святыні. Папераварочваў сталы мянялаў і лаўкі гандляроў галубамі¹⁶і не дазваляў нікому праносіць праз святыню якуюнебудзь рэч. ¹⁷Потым вучыў іх, кажучы: «Хіба не напісана:

“Дом мой назавецца домам малітвы для ўсіх народаў”? А вы зрабілі з яго пячору разбойнікаў».

¹⁸Пачулі гэта першасвятары і кніжнікі і шукалі магчымасці, як бы загубіць Яго, бо яны баяліся Яго, таму што ўвесь народ дзівіўся вучэнню Ягонаму. ¹⁹Калі настаў вечар, яны выйшлі з горада.

²⁰А калі раніцай вярталіся, убачылі, што смакоўніца высахла аж да кораня. ²¹Тады Пётр, успомніўшы, сказаў Езусу: «Раббі, паглядзі, смакоўніца, якую Ты пракляў, высахла». ²²Езус сказаў ім у адказ: «Майце веру ў Бога! ²³Сапраўды кажу вам: калі хто скажа гары гэтай: “Падыміся і кінься ў мора”, і не засумняваецца ў сэрцы сваім, але паверыць, што збудзецца сказанае, так яму і будзе. ²⁴Таму кажу вам: усё, чаго просіце ў малітве, верце, што атрымаеце і будзе вам.

²⁵І калі стаіце на малітве, даруйце, калі што маеце супраць кагонебудзь, каб і Айцец ваш, які ў нябёсах, дараваў вам правіны вашыя». (26)

“Copyright © 2021 National Council of Churches of Christ in the United States of America. Used by permission. All rights reserved worldwide.”