Мк 1:21-28

²¹Калі прыйшлі ў Кафарнаум, Ён адразу ў шабат увайшоў у сінагогу і навучаў. ²²І здзіўляліся вучэнню Ягонаму, бо Ён вучыў іх як той, хто мае ўладу, а не як кніжнікі. ²³Быў тады ў сінагозе чалавек, апанаваны нячыстым духам, які закрычаў: ²⁴«Што Табе да нас, Езус Назаранін? Ты прыйшоў загубіць нас? Я ведаю Цябе, хто Ты: Святы Божы». ²⁵Але Езус забараніў яму, кажучы: «Змоўкні і выйдзі з яго!» ²⁶Тады нячысты дух, скалануўшы яго і закрычаўшы моцным голасам, выйшаў з яго. ²⁷І спужаліся ўсе так, што пыталіся адзін у аднаго, кажучы: «Што гэта?. Новае вучэнне з моцаю; Ён загадвае нават нячыстым духам, і яны слухаюцца Яго». ²⁸І хутка разышлася пра Яго чутка па ўсёй ваколіцы Галілеі.

“Copyright © 2021 National Council of Churches of Christ in the United States of America. Used by permission. All rights reserved worldwide.”