Мк 7:1-8, 14-15, 21-23

¹ Сышліся да Яго фарысеі і некаторыя з кніжнікаў, якія прыйшлі з Ерузалема. ² І ўбачылі, як некаторыя вучні Яго елі хлеб нячыстымі, гэта значыць неабмытымі рукамі. ³ Фарысеі ж і ўсе юдэі, трымаючыся традыцыі старэйшых, не ядуць, пакуль старанна не памыюць рук. ⁴ І, вярнуўшыся з рынку, не ядуць, пакуль не абмыюцца. Ёсць і яшчэ шмат таго, чаго прынята трымацца: абмыцця чашаў, збаноў, медных начынняў і лаваў. ) ⁵Таму запыталіся ў Яго фарысеі і кніжнікі: «Чаму вучні Твае не трымаюцца традыцыі старэйшых, а ядуць хлеб нячыстымі рукамі?» ⁶Ён адказаў ім: «Добра прарочыў Ісая наконт вас, крывадушных, як напісана:

Гэты народ шануе Мяне вуснамі, а сэрца іх далёка ад Мяне.

⁷ Але дарэмна ўшаноўваюць Мяне, навучаючы людскім запаведзям”.

⁸ Бо вы пакінулі запаведзь Божую, а трымаецеся чалавечай традыцыі».

¹⁴ Паклікаўшы зноў людзей, сказаў ім: «Паслухайце Мяне ўсе і зразумейце! ¹⁵Няма нічога, што магло б, уваходзячы звонку ў чалавека, зрабіць яго нячыстым, але тое робіць чалавека нячыстым, што выходзіць з яго».

²¹ Бо знутры, з чалавечага сэрца, выходзяць дрэнныя думкі, распуста, крадзеж, забойствы, ²²чужалоства, сквапнасць, зласлівасць, падступнасць, бессаромнасць, зайздрасць, блюзнерства, пыха, глупства. ²³Усё гэтае зло выходзіць знутры і робіць чалавека нячыстым».

“Copyright © 2021 National Council of Churches of Christ in the United States of America. Used by permission. All rights reserved worldwide.”