Мц 12:14-21

¹⁴Фарысеі ж выйшлі і мелі нараду супраць Езуса, як бы загубіць Яго. Спаўненне прароцтваў пра Божага Слугу

¹⁵Але Езус, даведаўшыся, адышоў адтуль. За Ім пайшло шмат людзей, і Ён аздаравіў усіх. ¹⁶І забараніў ім выяўляць Яго, ¹⁷каб збылося сказанае прарокам Ісаем:

¹⁸«Вось слуга Мой, якога Я выбраў, умілаваны Мой, якога ўпадабала душа Мая. Духа Майго дам Яму, а Ён абвесціць суд народам. ¹⁹Не будзе пярэчыць і лямантаваць, і ніхто не пачуе на плошчах голасу Яго. ²⁰Трысціны надламанай не пераломіць і не пагасіць тлеючага кнота, пакуль не давядзе суд да перамогі. ²¹ І ў імені Ягоным народы будуць мець надзею».

“Copyright © 2021 National Council of Churches of Christ in the United States of America. Used by permission. All rights reserved worldwide.”