Мц 5:43-48

⁴³Вы чулі, што сказана: “Любі бліжняга твайго і ненавідзь ворага твайго”. ⁴⁴А Я кажу вам: любіце ворагаў вашых і маліцеся за тых, хто пераследуе вас, ⁴⁵каб сталіся вы сынамі Айца вашага, які ў нябёсах. Бо Ён загадвае сонцу свайму ўзыходзіць над дрэннымі і добрымі і пасылае дождж на справядлівых і несправядлівых. ⁴⁶Калі ж вы будзеце любіць тых, хто любіць вас, якую маеце ўзнагароду? Ці ж не тое самае робяць і мытнікі? ⁴⁷І калі вітаеце толькі братоў вашых, што асаблівага робіце? Ці ж не тое самае робяць і язычнікі? ⁴⁸Таму будзьце дасканалымі, як дасканалы Айцец ваш Нябесны.

“Copyright © 2021 National Council of Churches of Christ in the United States of America. Used by permission. All rights reserved worldwide.”