Ян 12:1-11

¹За шэсць дзён да Пасхі прыйшоў Езус у Бэтанію, дзе быў Лазар, якога Ён уваскрасіў. ²Таму прыгатавалі Яму там вячэру, і Марта прыслугоўвала, а Лазар сядзеў разам з Ім пры стале. ³Марыя ж узяла фунт міра з чыстага і вельмі каштоўнага нарду і намасціла ногі Езусу, і абцёрла сваімі валасамі ногі Ягоныя. А дом напоўніўся пахам міра. ⁴4 Сказаў тады Юда Іскарыёт, адзін з вучняў Ягоных, які збіраўся выдаць Яго: ⁵5 «Чаму не прадалі гэтага міра за трыста дынараў і не раздалі ўбогім?» ⁶6 А сказаў гэта не таму, што клапаціўся пра ўбогіх, а таму, што быў злодзеем і, маючы скарбонку, забіраў тое, што туды кідалі. ⁷7 Сказаў яму Езус: «Пакінь яе, каб яна захавала гэта на дзень Майго пахавання. ⁸Бо ўбогіх заўсёды маеце пры сабе, а Мяне не заўсёды маеце».

⁹Мноства народу з юдэяў, даведаўшыся, што там Езус, прыйшлі не толькі дзеля Езуса, але каб таксама ўбачыць Лазара, якога Ён уваскрасіў з мёртвых. ¹⁰Першасвятары ж пастанавілі забіць і Лазара, ¹¹бо многія з юдэяў адыходзілі ад іх і верылі ў Езуса

“Copyright © 2021 National Council of Churches of Christ in the United States of America. Used by permission. All rights reserved worldwide.”