Лк 12:54-59

⁵⁴І сказаў натоўпу: «Калі бачыце хмару, якая падымаецца з захаду, адразу кажаце: “Дождж будзе”, і так адбываецца. ⁵⁵А калі дзьме паўднёвы вецер, кажаце: “Спякота будзе”, і так адбываецца. ⁵⁶Крывадушныя, аблічча зямлі і неба распазнаваць умееце, як жа часу гэтага не пазнаеце?

⁵⁷Чаму ж вы і па саміх сабе не судзіце, што слушнае? ⁵⁸Калі ідзеш з праціўнікам тваім да кіраўніка, то па дарозе пастарайся пагадніцца з ім, каб ён не прывёў цябе да суддзі, а суддзя не аддаў цябе дазорцу, а дазорац не ўкінуў цябе ў вязніцу. ⁵⁹Кажу табе: не выйдзеш адтуль, пакуль не аддасі апошняй лепты».

“Copyright © 2021 National Council of Churches of Christ in the United States of America. Used by permission. All rights reserved worldwide.”