Лк 1:67-79

⁶⁷А Захарыя, бацька яго, напоўніўся Духам Святым і прарочыў, кажучы:

⁶⁸“Благаслаўлёны Пан, Бог Ізраэля, бо наведаў і адкупіў народ свой,
⁶⁹і ўзняў моц збаўлення для нас у доме Давіда, слугі свайго. ⁷⁰Як абвясціў спрадвеку вуснамі сваіх святых прарокаў, ⁷¹што збавіць нас ад ворагаў нашых і ад рук усіх, хто нас ненавідзіць. ⁷² Каб праявіць міласэрнасць да айцоў нашых і нагадаць пра святы запавет свой. ⁷³Прысягу, якую даў Абрагаму, айцу нашаму, дасць нам. ⁷⁴ Каб, выбаўленыя з рук ворагаў, мы без страху служылі Яму ⁷⁵ ў святасці і справядлівасці перад Ім ва ўсе дні нашыя. ⁷⁶А ты, дзіцятка, прарокам Найвышэйшага будзеш названа, бо пойдзеш прад абліччам Пана падрыхтаваць шляхі Яму; ⁷⁷каб даць народу Ягонаму пазнаць збаўленне праз адпушчэнне яго грахоў ⁷⁸дзякуючы сардэчнай міласэрнасці нашага Бога, у якой наведаў нас Усход з вышыні; ⁷⁹ каб асвятліць тых, хто сядзіць у цемры і ў цені смяротным; каб накіраваць ногі нашыя на шлях спакою».

“Copyright © 2021 National Council of Churches of Christ in the United States of America. Used by permission. All rights reserved worldwide.”