Лк 17:26-37

²⁶Як было ў дні Ноя, так будзе і ў дні Сына Чалавечага. ²⁷Елі, пілі, жаніліся, выходзілі замуж аж да таго дня, калі Ной увайшоў у каўчэг. Прыйшоў патоп і знішчыў усіх. ²⁸Таксама было і ў дні Лота. Елі, пілі, куплялі, прадавалі, садзілі, будавалі. ²⁹Але ў дзень, калі Лот выйшаў з Садомы, праліліся з неба агонь і сера і знішчылі ўсіх. ³⁰Так будзе ў дзень, калі з’явіцца Сын Чалавечы. ³¹У той дзень, хто будзе на даху, а рэчы ягоныя ў доме, няхай не сыходзіць узяць іх. І хто будзе на полі, таксама няхай не вяртаецца назад. ³²Узгадайце жонку Лота. ³³Хто паспрабуе захаваць жыццё сваё, той загубіць яго, а хто загубіць яго, той ажывіць яго. ³⁴Кажу вам: у тую ноч будуць двое на адной пасцелі: адзін будзе ўзяты, а другі застанецца. ³⁵Дзве будуць малоць разам: адна будзе ўзята, а другая пакінута». (36) ³⁷У адказ сказалі Яму: «Дзе, Пане?» А Ён сказаў ім: «Дзе мёртвае цела, там збяруцца і арлы».

“Copyright © 2021 National Council of Churches of Christ in the United States of America. Used by permission. All rights reserved worldwide.”