Мк 4:35-41

³⁵У той дзень, калі настаў вечар, Езус сказаў сваім вучням: «Пераправімся на другі бераг». ³⁶І, адпусціўшы людзей, яны забралі Яго з сабою, так як быў, у човен; таксама былі з Ім і іншыя чаўны. ³⁷І ўзнялася вялікая бура. Хвалі так залівалі човен, што ён ужо напаўняўся вадою. ³⁸А Езус спаў на карме на ўзгалоўі. Пабудзілі Яго і сказалі Яму: «Настаўнік, не хвалюе Цябе, што мы гінем?» ³⁹Устаўшы, Ён загадаў ветру і сказаў мору: «Змоўкні, супакойся!» Тады вецер сціх, і настала вялікая ціша. ⁴⁰А ім сказаў: «Чаго вы такія баязлівыя? Яшчэ не маеце веры?» ⁴¹Яны напоўніліся вялікім страхам і гаварылі паміж сабой: «Хто ж Ён такі, што і вецер, і мора слухаюцца Яго?»

“Copyright © 2021 National Council of Churches of Christ in the United States of America. Used by permission. All rights reserved worldwide.”