Мк 8:1-10

¹У тыя дні, калі зноў сабралася мноства людзей, і не было ў іх чаго есці, Езус паклікаў вучняў і сказаў ім: ²«Шкада Мне людзей, бо ўжо тры дні яны знаходзяцца са Мною і не маюць чаго есці. ³Калі адпраўлю іх дадому галоднымі, аслабнуць у дарозе, бо некаторыя з іх прыйшлі здалёк». ⁴Вучні Ягоныя адказалі Яму: «Хто і адкуль накорміць іх хлебам тут, у пустыні?» ⁵Ён спытаўся ў іх: «Колькі маеце хлябоў?» Яны адказалі: «Сем». ⁶Тады загадаў людзям сесці на зямлю. І, узяўшы сем хлябоў, узнёс падзяку, паламаў і даў вучням сваім, каб раздавалі. І яны раздалі людзям. ⁷Мелі таксама некалькі рыбінак. Езус іх благаславіў і загадаў раздаць. ⁸І яны елі, і насыціліся, і набралі сем кашоў кавалкаў, што засталіся. ⁹А тых, хто еў, было каля чатырох тысяч. І адпусціў іх. ¹⁰Тады адразу са сваімі вучнямі Езус увайшоў у човен і прыбыў у далмануцкі край.

“Copyright © 2021 National Council of Churches of Christ in the United States of America. Used by permission. All rights reserved worldwide.”