Мц 13:36-43

³⁶Тады, адпусціўшы народ, увайшоў у дом. Падышлі да Яго вучні Яго і сказалі: «Растлумач нам прыпавесць пра каласоўнік на полі». ³⁷37 Ён жа сказаў ім у адказ: «Сейбіт добрага насення — гэта Сын Чалавечы. ³⁸38 Поле — гэта свет, добрае насенне — гэта сыны Валадарства, а каласоўнік — сыны злога духа; ³⁹39 вораг, які пасеяў іх, — гэта д’ябал; жніво — сканчэнне свету, а жняцы — гэта анёлы. ⁴⁰Таму, як збіраюць каласоўнік і паляць агнём, так будзе пры сканчэнні гэтага свету: ⁴¹пашле Сын Чалавечы анёлаў сваіх, і збяруць яны з Валадарства Яго ўсё, што спакушае, і ўсіх, хто чыніць беззаконне, ⁴²і ўкінуць іх у вогненную печ; там будзе плач і скрыгатанне зубоў. ⁴³ Тады праведнікі заззяюць, як сонца, у Валадарстве іх Айца. Хто мае вушы, каб слухаць, няхай слухае.

“Copyright © 2021 National Council of Churches of Christ in the United States of America. Used by permission. All rights reserved worldwide.”