Matha 13:54-58 ABN

⁵⁴ Agus ar theacht ina dhúiche féin dó, bhíodh sé ag teagasc na ndaoine ina sinagóg, ionas gur ghabh iontas iad: “Cá bhfuair sé seo,” deiridís, “an eagna seo agus na míorúiltí? ⁵⁵ Nach é mac an tsaoir adhmaid é seo? Nach í a mháthair an bhean a bhfuil Muire uirthi? Agus nach iad Séamas agus Iósaef agus Síomón agus Iúdás a bhráithre? ⁵⁶ A shiúracha freisin, nach bhfuil siad uile inár measc? Cá bhfuair sé na nithe seo uile, mar sin?” ⁵⁷ Agus ghlac siad scannal ann. Ach dúirt Íosa leo: “Ní bhíonn fáidh faoi neamhchion ach amháin ina dhúiche agus ina theaghlach féin.” ⁵⁸ Agus ní dhearna sé mórán míorúiltí ansiúd de dheasca a ndíchreidimh.

“Copyright © 2021 National Council of Churches of Christ in the United States of America. Used by permission. All rights reserved worldwide.”